YEHEZKIEL 22:11 - Tanou Moonsoi Timugon

¹¹ Mokoondo' ulun ondo' mansawa'; ondo' bokon no poyo marulug ra anak mangiwan ruandu' kapoam pabukat ruandu' nilo ondo' rondo' ama' mansuai ra ina'.

YEHEZKIEL 22:11 ပူးပေါင်းရင်းမြစ်များ

2 SAMUIL 13:1

I Absalom, anak ungkuyon ru Raja' Daut mokoondo' sangulun boborok ra ruandu' makainggalan ri Tamar ondo' mantalur am ralaa poyo kaga'. I Amnon, anak ungkuyon ru Raja' Daut intor ra andu' ra bokon lumaai ri Tamar.

2 SAMUIL 13:11

Kaa' paat ri Tamar mampatutui ra kuui no riso, guuto' ri Amnon ralaa no am indagu, “Ibok rulug raki'!”

2 SAMUIL 13:14

Kaa' marara' i Amnon maya' ra ragu nano. Sabap ra maikang poyo i Amnon intor ri Tamar, jajali' no toojo io, am rulug riso.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

YEHEZKIEL 18:11

ondo' kalo igondo' binaal ru ama' nano. Nangakan anak no ra taak simbalui ondo' pinataak giu' ra intok-intok sambayangan am suminto ra andu' ru ulun ra bokon.

YEHEZKIEL 18:6

Kalo sumamba io ra sinungkalalaing ru ulun ru Israil, kapoam mangakan ra taak simbalui ondo' pinataak giu' ra intok-intok sambayangan. Kalo suminto io ra andu' ru ulun ra bokon, kapoam makimarulug ra ruandu' ondo' tatanga' liuran.

YEHEZKIEL 33:26

Malansan kau ra ilang min. Binaal mino makauyuyu'. Akau ngaangai' nansawa'. Ati kulaan kau mangkara' ra tana' no longgom min?

IMAMAT 18:15

Pai' parulug ra anak mangiwan ra ruandu' muno

IMAMAT 18:20

Pai' parulug ra andu' ru ulun bokon, baal raginio mampajamol rirun.

IMAMAT 18:6

Nanaak Tuhan ra aturan ragitilo. Pai' parulug ra pabukat muno.

IMAMAT 18:9

Pai' parulug ra pabukat ruandu' muno, ondo' kia ra pongkotob kapoam pansukapu, ondo' kia ra nasukor nabaya' rirun ra rondo' baloi kapoam giu' baloi ra bokon.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

IMAMAT 20:12

Amon ru sangulun ungkuyon marulug ra anak mangiwan ra ruandu' nano, musiti' ilo ruo ukumin ra matoi. Nambaal ilo noyo ra baal makauyuyu', am matoi ilo sabap ra kasalaan nilo galama'.

IMAMAT 20:17

“Amon ru sangulun ungkuyon maguot ra pabukat ruandu' nano, ondo' kia pabukat ra rondo' ina' rondo' ama' kapoam pabukat ra pansukapu ondo' rondo' ama' suai ina' kapoam rondo' ina' suai ama', musiti' ilo karuruo no tauyuon ra saang ru ulun masuang am kalo boo karaan ra ulun ru Israil. Narulug noyo ungkuyon no ra pabukat ruandu' nano am musiti' magantung ra kinibit no.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

GALATIA 5:19

Kinibit ru paliso ru ulun nauligan noyo: Ioginio baal ru pansasawaan, baal majamol am baal makauyuyu';

SAGULION 22:22

“Amon ru sangulun ungkuyon narampatan paat narulug ra andu' ru ulun bokon, ilo karuruo musiti' ukumin ra matoi. Koson raginio noyo akau namuso ra kalaatan no.

SAGULION 27:22

“ ‘Kaulas noyo ulun ondo' marulug ra pongkotob ra ruandu', kapoam pansukapu ra ruandu'.’ “Ngaangai' ulun tumaam ra, ‘Amin!’

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.