YEHEZKIEL 22:10 - Tanou Moonsoi Timugon

¹⁰ Mokoondo' ulun ondo' marulug ra andu' ru ama' nilo. Mokoondo' ulun ondo' mampajajal ra ruandu' tatanga' liuran koson marulug risilo.

YEHEZKIEL 22:10 ပူးပေါင်းရင်းမြစ်များ

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

KASAUKAN 49:4

Mogondo' kou koson ra liur ondo' marapai, kaa' kalo masauk kou ra maatang. Sabap ra riminulug kou ra ruandu' parulug kuno i Bilga, jinaka' mu pambalangan ru ama' muno.

1 TUNUNG RU BANSA' ISRAIL 5:1

Gitilo noyo papag ri Rubin, anak katuaan ri Jakub. (Sabap ra rinulug ri Rubin sangulun ruandu' parulug ru ama' nali, io pana natatakan ra tungkuson no koson ra anak katuaan. Tungkuson raginio tinaakan ri Jusup.

YEHEZKIEL 18:6

Kalo sumamba io ra sinungkalalaing ru ulun ru Israil, kapoam mangakan ra taak simbalui ondo' pinataak giu' ra intok-intok sambayangan. Kalo suminto io ra andu' ru ulun ra bokon, kapoam makimarulug ra ruandu' ondo' tatanga' liuran.

IMAMAT 18:19

Pai' parulug ra ruandu' ondo' tatanga' liuran, sabap majamol ruandu' no.

IMAMAT 18:6

Nanaak Tuhan ra aturan ragitilo. Pai' parulug ra pabukat muno.

IMAMAT 20:11

Sangulun ondo' narulug ra sangulun intor ra andu' ru ama' nano, magasab ra ama' nano; musiti' io am ruandu' no ukumin ra matoi. Matoi ilo sabap ra kasalaan nilo galama'.

IMAMAT 20:18

Amon ru sangulun ungkuyon marulug ra sangulun ruandu' ondo' tatanga' liuran, karuruo no kalo boo karaan ra ulun Kuno.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

SAGULION 27:20

“ ‘Kaulas noyo ulun ondo' manauyu' ra ama' nilono sabap namparulug ra sangulun intor ra andu' ru ama' nilono.’ “Ngaangai' ulun tumaam ra, ‘Amin!’

SAGULION 27:23

“ ‘Kaulas noyo ulun ondo' marulug ra iwan ruandu' nano.’ “Ngaangai' ulun tumaam ra, ‘Amin!’