YEHEZKIEL 21:23 - Tanou Moonsoi Timugon

²³ Mamagun ru Jirusalim marara' mangintopot ra baal raginio, sabap ra nambaal ilo ra nabantuan ra Babilonia. Kaa' ragu inala' ragitio koson mampakara' risilo ra makatula ilo am rokopon.

YEHEZKIEL 21:23 ပူးပေါင်းရင်းမြစ်များ

UNTABAN 5:15

Ralalom ru karuo-ruo baal raginio, ralaki no musiti' magibit ra andu' nano ra imam. Ralaki no musiti' magibit ra taak ondo' inaru': Sakilogram tapung barli, kaa' kalo linatakan ra umau jaitun kapoam kaminyan sabap ra taak no intor ra ralaki ondo' manantam, am pataakon ra mambala' ra baal ondo' motopot.

YEHEZKIEL 29:16

Israil kalo boo makiindangan risilo. Paat ra ulun ru Israil mangkara' ra atan ondo' nasauk ra ulun ru Misir, ulun ru Israil makaliman ra mapara' boo sala no lumansan ra indangan ru ulun ru Misir. Ulun ru Israil pana makapandai ra Aku noyo Tuhan Raja'.”

YEHEZKIEL 21:24

Aku, Tuhan Raja' minindagu risilo, ‘Tula min napandayan noyo ru ulun. Ngaangai' ulun nakapandai ra mapara' gayo ru tula min. Tula min makito ralalom ru moonong baalon min. Raino nasaboi paat ra akau ukumin am pataakon kau ra pantula'.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

YEHEZKIEL 12:22

“Okou ulun mapandai matoi, kua kia ra ulun ru Israil manabit ayuk ra panginuuyan ragitio: ‘Orou nakasail, kaa' ragu manala' kalo masauk’?

YEHEZKIEL 11:3

Indagu ilo, ‘Kalo boo mabuoi mambaal takau saguli' ra baloi. Topot bandar ti koson ra pagangan am itakau koson ra kual giu' ra ralalom nano, kaa' kabalu' pana raginio masindungan takau intor ra apui.’

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

2 RAJA'-RAJA' 24:20

Siminangit kaga' Tuhan ra mamagun ru Jirusalim am Jiuda saboi ra kalo boo mampalio Io risilo.

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”