YEHEZKIEL 21:22 - Tanou Moonsoi Timugon

²² Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

YEHEZKIEL 21:22 ပူးပေါင်းရင်းမြစ်များ

YEHEZKIEL 4:2

Koson boo ra tatandu' ru pagawangan ra bandar no, pambaal ra parit, tana' pinabujuk, pangkiman am tataun-tataun pomopok giu' ra liput ru batu bata no.

YEHEZKIEL 26:9

Popolon nilo timbok-timbok muno ra tataun tukul, am momopol ra manara-manara muno ra basi' maawar.

JIRIMIA 52:4

Ginio ra Raja' Nibukadnijar nababaya' ra ngaangai' pulalai ru saujor nano namulunsar ra Jirusalim paat ra orou koopor, sila' koopor ralalom bilor kasiam ra pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

JIRIMIA 33:4

Aku, Tuhan, i Aki Kapuuno' ru Israil, minindagu ra baloi-baloi giu' ra Jirusalim am istana ru raja' ru Jiuda lunsayon, kinibit ru pagawangan am pamulunsaran ru pantula'.

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

AYUP 39:25

Angus-angus kuda moonong samputin bujung; intor ra maalur maalok no owou ru pangayawan, am morongog no ulun tutumula' gumolok ra manusub.

1 SAMUIL 17:20

Suabon no ra iosusuab ayuk poyo, timinirong i Daut am timinampos. Nanusub io ra ulun bokon magalung ra domba. Io pana nagibit ra akanon no am minugar koson ra nanusuban ri Isai. Nakasaboi io ra pangkiman nakainamot ra ulun ru Israil tatanga' baris liliwa' mompogolok ra pulanu ru pangayawan.

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:10

Kaa' nanusub i Josua ra saujor-saujor nano maa' raginio kalo gumolok kapoam mindagu rondo' ragu pana saboi mambala' io risilo.

2 RAJA'-RAJA' 25:1

Giminuor Raja' Jidikia ra Raja' Nibukadnijar intor ra Babilonia. Ginio ra namulunsar Raja' Nibukadnijar ra Jirusalim nabaya' ra ngaangai' saujor nano ra orou koopor, sila' koopor, bilor kasiam ru pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

YEHEZKIEL 26:8

Mamagun ru bandar-bandar giu' ra tana' marata' potoyon ralalom pangayawan. Pantula' mangkali ra parit, mambaal ra timbok pagawangan, am manampos ra perisai koson ra kubu ondo' mapiot koson manggal rirun.

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.