YEHEZKIEL 21:12 - Tanou Moonsoi Timugon

¹² Okou ulun mapandai matoi, panulaboi no am pampiau, sabap ra ilang muno pakayon koson manggal ra ulun Kuno. Ngaangai' tingganai ru Israil potoyon mababaya' ra ngaangai' ulun Kuno. Luntugo' kubab sabap ra nangkaus guang.

YEHEZKIEL 21:12 ပူးပေါင်းရင်းမြစ်များ

YEHEZKIEL 21:6

Okou ulun mapandai matoi, pampalaa no ra saang ru ulun ilain koson nangkaus guang am mangiluk kaga'.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

MIKA 1:8

Indagu boo i Mika, “Ginio ra mangulir aku am mantangi'. Koson mampakito ra kangilukan ru guang kuno, mugar aku ra mantilagas am kolondo' kasut. Mampaung aku koson ra taani am mompoloong koson susuit unta.

YEHEZKIEL 30:2

“Okou ulun mapandai matoi, panala' no am potonowo' atan ondo' raguon Kuno, Tuhan Raja'. Golok no am panulaboi no koson ragitio: Orou ru Tuhan mamaar noyo!

YEHEZKIEL 21:14

Raino, okou ulun mapandai matoi, indagu no ra ragu manala'. Tapapo' longon muno, am ilang pana manimbalui ra ruruli'. Ilang no ilang ondo' mamatoi, mampalalaa' am manimbalui ra ulun.

YEHEZKIEL 9:8

Tatanga' pamatayan no masauk, soroi aku ra giu' misangulun. Igulatur aku liliwa' nampiau, “Iou Tuhan Raja', siminangit kou kia kaga' ra Jirusalim saboi masaga' Kou mamatoi ra moonong ulun ondo' lakat poyo naayag giu' ra Israil?”

YEHEZKIEL 6:11

Indagu Tuhan Raja', “Palaso' kalindu'! Kariboko' kinjang ru kalayam! Panulaboi no sabap ra ngaangai' binaal ondo' malaat am makauyuyu' ondo' binaal ru bansa' ru Israil. Matoi ilo sabap ra pangayawan, bitilan kapoam maruol tumapik.

JIRIMIA 31:19

Timinalikur akai intor Rirun, kaa' pansagulian akai ra binaal raginio. Kopongo ra Okou nangukum ramon, parikuku' ulu mai sabap ra mangiluk guang. Nauyu' akai am inasaban sabap ra makatula akai paat ra kinamuloko'.’

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 25:34

Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

YEHEZKIEL 21:11

Ilang no inisasan saboi manguliat maa' raginio pinatampos ra pakayon, inasa' am inisasan saboi manguliat, koson pataakon ra sangulun mamatoi.

YEHEZKIEL 21:13

Tatanga' Aku mangkinam ra ulun Kuno, am amon marara' ilo tumalikur intor ra tula, ngaangai' baal ragitio lumumpa' risilo.’

YEHEZKIEL 21:25

‘Akau ngai' tingganai ru Israil, tingganai ondo' malaat am gugumuor, orou pangukuman ondo' pupus ramuyun mamaar noyo.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

JISAYA 13:7

Moonong kalindu' ru sasangulun masauk lamumu', am moonong gogot ru sasangulun matatak.

YEHEZKIEL 7:17

Kalindu' ru moonong ulun lumawo, atur nilo monontol.

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.