YEHEZKIEL 20:9 - Tanou Moonsoi Timugon

⁹ Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

YEHEZKIEL 20:9 ပူးပေါင်းရင်းမြစ်များ

MAZMUR 106:8

Kaa' bayagon No ilo sumugut ra bantu' Nali, koson mapaintalang ra kuasa' Nano ra maayo.

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

JISAYA 48:11

Binaal Ku gitio koson kaatangan Kuno galama', kalo polosoon Ku inggalan Kuno jamalin, kapoam mantayar ra katulayan Kuno ra osoi-osoi ayuk.”

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:22

Kaa' kalo binaal Ku ginio, sabap baal raginio mangkinibit ra inggalan Kuno asabin ru gino ngai' bansa' ondo' nakakito Raki' nagibit ra ulun ru Israil miningkual intor ra Misir.

YEHEZKIEL 39:7

Tutunon Ku Israil, ulun Kuno, makaulig ra inggalan Kuno ondo' matulai, am kalo polosoon Ku jamalin inggalan Kuno. Bansa'-bansa' makapandai boo ra Aku noyo Tuhan, i Aki Kapuuno' ru Israil, i Aki Kapuuno' ondo' matulai.”

SAGULION 9:28

Amon mamuso Kou risilo, mindagu ulun ru Misir ra kalo masaga' Kou magibit ra ulun Muno mongoi ra tana' ondo' binantu' Muno risilo. Mindagu ilo ra magibit Kou ra ulun Muno mingkual intor ra tana' kaagisan koson mamatoi risilo, sabap masisang Kou risilo.

JOSUA 2:10

Nokorongog akai ra kinapua' ru Tuhan Raat Galaga giu' ra saang min paat akau nangiruan ra Misir. Nokorongog akai niayuk ra namatoi kau ra Raja' Sigon am Raja' Og, ruo ngaulun raja' ru bansa' ru Amori tampilon ra sirangon ru Sungoi Jordan.

JOSUA 7:9

Ulun ru Kanaan am ngaangai' ulun ra pagun ti mokorongog ra baal raginio. Inawangan nilo akai am namatoi ramon ngai'! Atan kia boo ondo' baalon Muno koson magalung ra kaurumatan Muno?”

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.