YEHEZKIEL 20:47 - Tanou Moonsoi Timugon

⁴⁷ Susubo' kataunan giu' ra rabugus rumongog ra atan ondo' raguon Kuno, Tuhan Raja': Mansikit Aku ra apui ondo' monolob ra moonong puun tataun giu' ra kataunan no, iou pana masansam am niayuk ondo' mapua'. Apui ondo' bibilak no kalo maalap ra lasa' kaa' rumalat intor ra rabugus mongoi ra ralayo, am moonong ulun makaliman ra lasu' ru apui no.

YEHEZKIEL 20:47 ပူးပေါင်းရင်းမြစ်များ

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

LUKAS 23:31

Sabap ra amon ru mambaal ilo ragitio Raki' ondo' koson ra tataun biag, mulu' poyo ra maagu no baalon nilo ramuyun ondo' koson ra guol!”

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 13:8

Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

YEHEZKIEL 21:10

Ilang no inasa' koson mamatoi, inisasan maa' raginio manguliat. Tayar ru ulun Kuno kolondo' boo kaansukan, sabap ra inimpayan nilo moonong pampakaraan am ukuman.

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

YEHEZKIEL 16:35

Okou Jirusalim, mantalan kou ra inan! Rongogo' noyo ragu ru Tuhan.

YEHEZKIEL 24:5

Alap ra kual ru domba ondo' moonsoi kaga', am pantuumo' luton giu' ra saau ru pagangan. Polosoo' timug nano rumiri', tonoko' kual am bungul-bungul no.”