YEHEZKIEL 20:30 - Tanou Moonsoi Timugon

³⁰ Ginio ra posoboyo' noyo atan ondo' paraguon Kuno, Tuhan Raja' ra ulun ru Israil: Kua kia musiti' kau makatula koson ra kinamatuaan min, am nangilou ra sinungkalalaing nilo?

YEHEZKIEL 20:30 ပူးပေါင်းရင်းမြစ်များ

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

MATIUS 23:32

Baalo' am pongoono' min atan ondo' kinamatuaan mini nanalimpuun pambaal.

JIRIMIA 9:14

Bambalingatan ilo am siminamba ra sinungkalalaing Baal koson ra ondo' nangilaan ru kinamatuaan nilai.

UNTABAN 32:14

Raino akau poyo masauk koson ra ama' mini, rondo' poyo sukor bagu ru ulun ondo' makatula. Maparatong kau poyo ra sangit ru Tuhan ra ulun ru Israil.

YEHEZKIEL 2:3

“Okou ulun mapandai matoi, susubon Tokou mongoi ra ulun ru Israil. Giminuor ilo Raki' koson ra kinamatuaan nilo ragili. Saboi raino lakat ilo poyo gumuor.

YEHEZKIEL 20:26

Nompoloso Aku risilo nampajamol ra inan am taak nilo galama'. Nompoloso Aku risilo nampataak ra anak katuaan ungkuyon nilo koson ra taak simbalui. Baal raginio nasauk koson mangukum risilo maa' raginio makapandai ilo ra Aku noyo Tuhan.

YEHEZKIEL 20:29

Nangkuot Aku: Atan kia intok-intok ra masawat ondo' inangayan mino? Intor ragili intok no ininggalanan ra ‘Intok-intok ra masawat’.

2 TUNUNG RU BANSA' ISRAIL 30:7

Pai' tilu koson ra kinamatuaan mini am ulun pogondo' ra bansa' min Israil ondo' kalo giminagaya' ra Tuhan, i Aki Kapuuno' nilo. Koson ra napandayan min noyo, nangukum Io risilo ra maagat.

MAZMUR 106:39

Baalon nilono mapajamol ra inan nilo galama', am kalo gumagaya' ilo ri Aki Kapuuno'.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.