YEHEZKIEL 20:3 - Tanou Moonsoi Timugon

³ “Okou ulun mapandai matoi, ragui' tingganai-tingganai ragitio. Balai' ilo ra Aku, Tuhan Raja' minindagu koson ragitio: Minatong kau koson mangkuot ra kasagaan Kuno, ka kia? Sabap ra Aku, i Aki Kapuuno' ondo' maayag, kalo mompoloso Aku ramuyun mangkuot ra atan ayuk. Aku, Tuhan Raja' nakaindagu noyo.

YEHEZKIEL 20:3 ပူးပေါင်းရင်းမြစ်များ

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JISAYA 1:12

Osoi kia nanusub ramuyun magibit ra ngaangai' no bulintok ra akau matong sumamba Raki'? Pai' kano boo kinjang ra liliut ru Baloi Kuno.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

YEHEZKIEL 14:1

Kukula' ngaulun tingganai ru ulun ru Israil minatong nangkuot raki' intor ra kasagaan ru Tuhan.

YEHEZKIEL 20:2

Indagu boo Tuhan raki',

YEHEZKIEL 20:31

Nakasaboi pinaibo ra orou raiti' nangani' kau ra taak ra mogondo', am nampajamol ra inan ra nonolob ra anak-anak min koson ra taak simbalui ra sinungkalalaing no. Akau piboo, alii ra ulun kau ngai' ru Israil, minatong piboo koson mangkuot ra kasagaan Kuno! Sabap ra Aku, i Aki Kapuuno' ondo' naayag, Tuhan Raja', kalo mangiou Aku ramuyun mangkuot ra atan ayuk.

YEHEZKIEL 33:30

Indagu Tuhan, “Okou ulun mapandai matoi, bansa' muno mansunur rirun paat ilo naguma' mamaar ra timbok ru bandar kapoam giu' ra talupak ru kulobon ru baloi nilo. Ilo galama' nagindagu, ‘Ibok rongog takau ra atan ragu ru Tuhan ra orou raiti'.’

AMOS 8:12

Ulun tumanggau intor ra Raat Matoi mongoi ra Raat Tanga', am rayus no intor ra ralayo mongoi ra sirangon. Giu' ra ati-ati intok maguyum ilo ra tanou intor ra Tuhan, kaa' kalo mokoowot ilo.

MIKA 3:7

Ulun ondo' nanala' ra orou rumatong tinauyu' sabap nanala' ilo ra kalo motopot. Ngaangai' ilo asabin sabap i Aki Kapuuno' kalo tumaam risilo.

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

LUKAS 3:7

Masuang ulun minatong makiriu' ri Juanis. Indagu i Juanis risilo, “Ulun malaat kau! Osoi mindagu ramuyun ra makapagiru' kau intor ra sangit am ukum ri Aki Kapuuno' ra maagu no?

JUANIS 4:24

I Aki Kapuuno' no Ambiluo am ra indangan ayuk ru Ambiluo ri Aki Kapuuno' no ulun makasamba ri Aki Kapuuno' ondo' motopot.”

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.