YEHEZKIEL 20:21 - Tanou Moonsoi Timugon

²¹ “Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:21 ပူးပေါင်းရင်းမြစ်များ

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

UNTABAN 21:5

am nambubutok ri Aki Kapuuno' am ri Musa. Konilo, “Kua kia ibito' mu akai miningkual intor ra Misir koson matoi ra tana' kaagisan ti? Giti kolondo' akanon kapoam timug. Najala' akai ra akanon ondo' mapalo ti!”

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

PINAINTALANG 16:1

Pokorongog aku boo ra bolos mosongou intor ra Baloi Tuhan minindagu ra tulu' malaikat no, “Ugar no am pasasaro' suang ru sangkir ru sangit am ukum ri Aki Kapuuno' no ra tana'!”

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.

YEHEZKIEL 20:11

Aniin Ku ilo ra susuban Kuno am mangila' risilo ra ukum Kuno, ondo' mangani' ra kaayagan ra osoi ayuk gumagaya' raginio.

YEHEZKIEL 13:15

“Timbok no am ilo ondo' nangapur no makaliman ra kinoporos ru sangit Kuno. Bagu no balain Takamin ra timbok no am ulun nangapur no napuso,

YEHEZKIEL 7:8

Sangkinolor poyo am makaliman kau ra kinoporos ru sangit Kuno. Mangakim Aku ramuyun, am mambalos Aku ramuyun ra ngaangai' paliso min ra makauyuyu' no.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

MATIUS 19:17

Taam i Jisus, “Kua pangkuot kou Raki' ra atan moonsoi? I Aki Kapuuno' ayuk moonsoi. Amon ru masaga' kou maayag mantilayun, gagaya' no ra ukum ri Aki Kapuuno'.”

YEHEZKIEL 20:36

Mangakim Aku ramuyun koson ra Aku nangakim ra kinamatuaan min giu' ra tana' kaagisan Sinai ragili.” Ginio noyo ragu ru Tuhan Raja'.

YEHEZKIEL 22:8

Kalo urumaton min intok-intok ondo' matulai am kalo iantakon min orou Sabat.

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.