YEHEZKIEL 20:13 - Tanou Moonsoi Timugon

¹³ Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:13 ပူးပေါင်းရင်းမြစ်များ

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

JISAYA 56:6

Tuhan mindagu ra ulun-ulun bansa' ru bokon ondo' siminubol ra ulun ru Tuhan, ondo' monogom ra Tuhan am mangandoi Riso ayuk, ondo' mangurumat ra orou Sabat am gumagaya' ra nabantuan Nano,

SAGULION 9:8

Mulu' poyo giu' ra Gunung Sinai pana nangkinibit kau ra Tuhan siminangit saboi masaga' Io mamuso ramuyun.

UNTABAN 14:29

Matoi kau am baangkai min rumumpalangan ra titikop ru tana' kaagisan ti. Ginio sabap ra mambutok kau Raki', kolondo' sangulun pana ra popolos min ondo' umur ruo ngoopor am nakasail mongoi ra tana' no.

UNTABAN 14:22

ra kolondo' sangulun pana ra ulun ti mongoi ra tana' raginio. Nakakito ilo noyo ra sinda ru katulayan Kuno am kaimuagan ondo' binaal Kuli giu' ra Misir am giu' ra tana' kaagisan, kaa' mararayus ilo mangkinam Raki', am marara' gumagaya' Raki'.

KAINGKUALAN 32:10

Raino pai' Aku ompongo'. Sumangit Aku risilo am masaga' mamuso risilo. Kaa' saukon Tokou am papag muno ra rondo' bansa' ondo' maayo.”

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

AMSAL 1:25

Ngaangai' pinson kuno kalo suguton min am kalo mangapu ra pangilaan kuno.

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

1 SAMUIL 8:8

Intor ra Aku nagibit risilo miningkual intor ra Misir, tinalikuran nilo noyo Aku am siminamba ra dewa-dewa. Raino, atan ondo' binaal nilo rirun, masalok nilo noyo baalon Raki' niayuk.

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

UNTABAN 26:25

Suang ru ungkuyon ralalom bansa' ragitilo 64,300 ngaulun.

UNTABAN 16:45

“Lugut intor ra ngaangai' ulun ti sabap ra masaga' Aku mamatoi risilo ra intok raginio niayuk!” Kubu ilo ruo,

IMAMAT 26:43

Kaa' makapagulu, musiti' pagun no kolondo' soroi ra mamagun no maa' raginio totopot makatangus. Musiti' ulun Kuno maukuman ra ngaangai' ukum, sabap ra marara' gumagaya' ra ukum am susuban Kuno.

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

KAINGKUALAN 32:8

Siminiang ilo intor ra susuban Kuno. Nambaal ilo ra sinungkalalaing ru sapi' intor ra mas linuu, am sumamba raginio; napataak ilo niayuk ra taak simbalui raginio. Kon nilo ginio noyo tuhan nilo ondo' naningganai risilo miningkual intor ra Misir.

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

IMAMAT 18:5

Suguto' ngaangai' ukum am susuban ondo' taakin Kuno ramuyun. Ulun ondo' mambaal raginio maayag. Aku noyo Tuhan.”

2 TUNUNG RU BANSA' ISRAIL 30:7

Pai' tilu koson ra kinamatuaan mini am ulun pogondo' ra bansa' min Israil ondo' kalo giminagaya' ra Tuhan, i Aki Kapuuno' nilo. Koson ra napandayan min noyo, nangukum Io risilo ra maagat.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

YEHEZKIEL 20:11

Aniin Ku ilo ra susuban Kuno am mangila' risilo ra ukum Kuno, ondo' mangani' ra kaayagan ra osoi ayuk gumagaya' raginio.

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:36

Mangakim Aku ramuyun koson ra Aku nangakim ra kinamatuaan min giu' ra tana' kaagisan Sinai ragili.” Ginio noyo ragu ru Tuhan Raja'.

YEHEZKIEL 22:8

Kalo urumaton min intok-intok ondo' matulai am kalo iantakon min orou Sabat.

YEHEZKIEL 23:38

Sala' ka ginio ayuk. Jinamalan nilo Baloi Kuno am orou Sabat ondo' inaru' Ku noyo.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

NIGIMIA 13:17

Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat.