YEHEZKIEL 20:12 - Tanou Moonsoi Timugon

¹² Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

YEHEZKIEL 20:12 ပူးပေါင်းရင်းမြစ်များ

KASAUKAN 2:3

Nambarakat i Aki Kapuuno' ra orou ra katulu' ti am orou raginio sinauk ra orou patimpokon sabap ra paat orou raginio tumangus i Aki Kapuuno' ra nopongo noyo kandoi Nali.

NIGIMIA 9:14

Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 35:2

Mokoonom ngoorou kau mangandoi, kaa' musiti' karaan orou ra katulu' no ra matulai; orou raginio orou tangusan patimpokon ra Tuhan. Osoi mangandoi paat ra orou raginio musiti' potoyon.

JISAYA 56:2

Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

JIRIMIA 17:22

Pai' pangandoi am pai' pangkayang ra maagat mingkual intor ra baloi muno paat ra orou Sabat. Iantako' orou raginio koson ra orou patimpokon Raki' koson ondo' nanusuban Kuli ra kinamatuaan min.

YEHEZKIEL 20:20

Iantako' min orou Sabat koson tatandu' nabantuan Kuno ramuyun, koson mampakara' ramuyun ra Aku noyo Tuhan, i Aki Kapuuno' min.

YEHEZKIEL 20:26

Nompoloso Aku risilo nampajamol ra inan am taak nilo galama'. Nompoloso Aku risilo nampataak ra anak katuaan ungkuyon nilo koson ra taak simbalui. Baal raginio nasauk koson mangukum risilo maa' raginio makapandai ilo ra Aku noyo Tuhan.

YEHEZKIEL 37:28

Paat ra paayanon Ku Baloi Kuno giu' ra tatanga' nilo ra sabubuoi no, makapandai ilo boo ra Aku, Tuhan nampili' ra Israil koson ra ulun Kuno galama'.”

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

IMAMAT 20:8

Gagaya' no ra ukum Kuno, sabap ra Aku noyo Tuhan ondo' nampatulai ramuyun Raki'.”

IMAMAT 21:15

Amon ru manggal io ra aturan raginio, anak-anak nano ondo' sotopot no matulai, masauk majamol. Aku noyo Tuhan am patimpokon Ku noyo io ra Tingganai Maayo Imam.”

IMAMAT 21:23

Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

IMAMAT 23:32

Intor ra paat mato ru orou tumolop paat orou kasiam ra sila' raginio, saboi ra paat mato ru orou tumolop paat orou koopor ra sila' ra nogondo', musiti' min iantakon ginio koson ra orou Sabat, ondo' timpokon ra tangusan. Musiti' kau mampali buoi ru orou raginio.

IMAMAT 23:39

Paat ra orou koopor am limo ra sila' katulu', mopongo kau mangkumos, musiti' kau mangiantak ra pangiantakan raginio buoi tulu' ngoorou. Orou kasaa' am orou kaampusan no iono orou timpokon ra tangusan.

IMAMAT 25:4

kaa' moonong bilor katulu' musiti' timpokon ra Tuhan. Ginio ra buoi ru bilor raginio, tana' ti kalo malingon matanaman. Pai' tanami' umo am pai' indaani' puun ru anggur mino.

KOLOSI 2:16

Ginio ra pai' min rongogo' ulun ondo' mambaal ra aturan ru ati kia moonsoi akanon kapoam inumon, kapoam aturan ru pangiantakan, bulan bagu kapoam orou Sabat. Pai' kau pangkirongog ra ilo maguta' ra ngaangai' no kalo gagayaan min.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: