YEHEZKIEL 20:11 - Tanou Moonsoi Timugon

¹¹ Aniin Ku ilo ra susuban Kuno am mangila' risilo ra ukum Kuno, ondo' mangani' ra kaayagan ra osoi ayuk gumagaya' raginio.

YEHEZKIEL 20:11 ပူးပေါင်းရင်းမြစ်များ

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

YEHEZKIEL 18:9

Sumugut io ra susuban Kuno am gumagaya' ra ukum Kuno. Ulun koson raginio moonsoi am maayag.” Ginio noyo ragu ru Tuhan Raja'.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 33:15

koson pasagulion nilo kuliamos ru ulun bokon kapoam pasagulion kuliamos ondo' tinakou nilo – amon ru lumonggo' ilo mambaal ra tula am gumagaya' ra ukum ondo' mangani' ra bayag, kalo matoi ilo kaa' maayag.

YEHEZKIEL 33:16

Ampunon Ku tula-tula ondo' binaal nilo, am maayag ilo sabap ra nambaal ra atan ondo' moonsoi am motopot.

IMAMAT 18:5

Suguto' ngaangai' ukum am susuban ondo' taakin Kuno ramuyun. Ulun ondo' mambaal raginio maayag. Aku noyo Tuhan.”

LUKAS 10:28

Indagu i Jisus riso, “Motopot taam muno. Baalo' noyo ginio, am maayag kou.”

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

GALATIA 3:12

Ukum ri Musa no kalo inimpuun ra pangintapatan. Kaa' koson tinulisan ra Buuk Kitab ra, “Ulun ondo' mampagagaya' ra ngaangai' susuban ru ukum ti, maayag io.”

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 4:8

Kolondo' bansa' ra ati pana, kabalu' pana bansa' maayo, ondo' makaukum matanda' koson ra ukum ondo' nangilaan kuno ramuyun ra orou raiti'.