YEHEZKIEL 2:9 - Tanou Moonsoi Timugon

⁹ Kopongo raginio nakito ku kalindu' ondo' pinatutui raki'. Kalindu' no nampaguut rondo' naskhah rinulun.

YEHEZKIEL 2:9 ပူးပေါင်းရင်းမြစ်များ

JIRIMIA 1:9

Kopongo raginio patutuyo' ru Tuhan kalindu' Nano, am paguuto' ra kabang kuni am indagu, “Rongog no, mangani' Aku rirun ra ragu Kutu ondo' musiti' raguon mu.

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 36:4

Ginio ra piniau ku i Baruk anak ri Niria, am pinabala' ngaangai' ragu ru Tuhan no riso, maa' raginio tulisin no ngaangai' no ra ralalom ru naskhah rinulun no.

YEHEZKIEL 3:1

Indagu i Aki Kapuuno', “Okou ulun mapandai matoi, akano' naskhah rinulun ti, am ugar no am indagu ra ulun ru Israil.”

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

DANIL 10:10

Kopongo raginio mokoondo' kalindu' ondo' nampaguut raki' am nangindangan raki' siminukal liliwa' mangikang toojo ra atur am kalindu'.

DANIL 5:5

Pulali' nakito kalindu' ru ulun, am kalindu' no tumalimpuun manulis ra timbok ru istana, giu' ra tampilon ondo' matawang kaga' natiu' ra sinda ru lampung. Nakito ru Raja' Bilsyajar kalindu' ondo' tatanga' manulis no.

JAKARIA 5:1

Inurio ku poyo, am raino ti nakito ku rondo' naskhah rinulun nansiab giu' ra limbowon.

JAKARIA 5:3

Kopongo raginio indagu io raki', “Giu' ra naskhah rinulun no mokoondo' tinulisan pagulasan ra titikop ru pagun ti. Giu' ra rondo' tayar ru naskhah rinulun no mokoondo' tinulisan ra moonong mantatakou patirin intor ra pagun ti, am giu' ra tayar ru sapapa' ru naskhah rinulun no mokoondo' tinulisan ra moonong ulun ondo' nagibot ra kalo motopot patirin niayuk.

IBRANI 10:7

Am indagu Io poyo, ‘O Aki Kapuuno', nakatampos Aku no mambaal ra kasagaan Muno, koson tinulisan noyo intor Raki' ra Buuk Kitab.’ ”