YEHEZKIEL 2:8 - Tanou Moonsoi Timugon

⁸ Okou ulun ondo' mapandai matoi, rongogo' ragu Kutu. Pai' no guor koson risilo. Gaalo' kabang muno am akano' atan ondo' pataakon kutu.”

YEHEZKIEL 2:8 ပူးပေါင်းရင်းမြစ်များ

MAZMUR 105:28

Sinauk ri Aki Kapuuno' titikop ru pagun raginio molondom, kaa' bansa' ru Misir kalo mampagagaya' ra panusuban Nano.

JISAYA 50:5

Tuhan mapaarati' raki'; kalo manggal aku kapoam mugar intor Riso.

JISAYA 8:11

Kinuasa' aku ru Tuhan am pinakara' aku maa' raginio kalo maya' ra ralan ondo' binayaan ru bansa' raginio. Mindagu Io,

JIRIMIA 13:2

Ginio ra, minongoi aku pambali ra tapi' mariwa' no, am patapio'.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

YEHEZKIEL 12:7

Binaal ku atan ondo' nanusuban ru Tuhan. Paat orou raginio mangkumos aku ra kuliamos kuno ralalom ru rondo' kuntil koson ondo' binaal ru sangulun nagiru'. Paat ra mamai' no, orou lumondom galing, kalindu' kutu pinomopol ku ra timbok ru baloi ku saboi makaluang, am miningkual aku minaya' ra luang no. Tatanga' ulun magilong, nansaan aku ra kuntil kuno am iruani' intok raginio.

YEHEZKIEL 3:10

Rinayus ri Aki Kapuuno' ragu Nano, “Okou ulun mapandai matoi, ilai' toojo, am karaa' noyo ngaangai' ondo' raguon Kuno rirun.

YEHEZKIEL 33:7

Raino, okou ulun mapandai matoi, lantikon Tokou masauk ra magagalung ru bansa' ru Israil. Musiti' mu posoboyon pampakaraan Kuno risilo.

YEHEZKIEL 40:4

Indagu ungkuyon no raki', “Okou ulun mapandai matoi, rongogo' toojo am urioo' ngaangai' no ondo' panuluan ku rirun, sabap ra koson kuayan raginio noyo okou inibit ragiti. Balai' ulun ru Israil ra ngaangai' ondo' nakito muno.”

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

UNTABAN 20:24

“Kalo mokoongoi i Arun giu' ra tana' ondo' binantu' Kuno ra ulun ru Israil. Matoi io sabap ra akau ruo kalo giminagaya' ra susuban Kuno giu' ra Miriba.

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

PINAINTALANG 10:9

Ginio ra ongoi aku ra malaikat no am kitaako' ku naskhah rinulun boborok no. Indagu io raki', “Alapo' noyo am akano'. Ralalom ru kabang muno koson io ra kinatamis ru ruu' maningot, kaa' sumimpait io ra tinai' muno.”