YEHEZKIEL 2:4 - Tanou Moonsoi Timugon

⁴ Bambalingatan ilo am kalo mangurumat Raki'. Ginio ra susubon Tokou koson mampasaboi ra atan ondo' paraguon Ku, Tuhan Raja' risilo.

YEHEZKIEL 2:4 ပူးပေါင်းရင်းမြစ်များ

YEHEZKIEL 3:7

Kaa' kolondo' sangulun pana ra gino ngai' ru ulun ru Israil rumongog rirun sabap ra marara' ilo rumongog raki'. Ngaangai' nilo bambalingatan am masaga' manggal.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JISAYA 48:4

Makapandai aku ra akau bambalingatan, mokotog guang am makaulu batu.

MAZMUR 95:8

“Pai' kau kokotog guang koson ra kinamatuaan min giu' ra Miriba, bulintok ra lakat ilo ayuk poyo ra tana' kaagisan giu' ra Masa.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

AMSAL 21:29

Ulun mabanis guang malansan ra inan nilo galama', kaa' ulun malaat magakal ayuk.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

1 RAJA'-RAJA' 22:14

Kaa' taam i Mika, “Ralalom inggalan ru Tuhan ondo' maayag, mambantu' aku ra raguon ku ayuk atan ondo' rinagu Nano!”

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

JIRIMIA 1:7

Kaa' taam Tuhan, “Pai' no indagu ra okou no lakat poyo mamulok. Ongoi no ra ulun ondo' paangayin Kuno rirun, am balai' ilo ra ngaangai' ondo' panusuban Kuno rirun.

JIRIMIA 36:21

Kopongo raginio nanusub raja' ri Jigudi mangalap ra naskhah no intor ra lamin ri Ilisama am binasa' no ra saang ru raja' am niayuk ngaangai' pagawai ondo' miningor giu' ra libung ru raja'.

AMOS 7:15

Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

JAKARIA 7:12

Kinokotog nilo guang saboi kalo siminugut ra pangilaan ondo' tinaakan Kuno risilo ondo' pinabala' galing ra nabi-nabi ra galing i. Ginio ra siminangit Aku kaga' risilo.

YEHEZKIEL 3:4

Indagu boo i Aki Kapuuno', “Okou ulun mapandai matoi, ongoi no ra ulun ru Israil am posoboyo' ngaangai' ragu Kutu risilo.

YEHEZKIEL 3:11

Kopongo raginio ongoi no ra bansa' muno ondo' ralalom ru pamatiran, am posoboyo' atan ondo' raguon Kuno, Tuhan Raja' risilo, ru rumongog ilo rirun kapoam kalo.”

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”