YEHEZKIEL 2:3 - Tanou Moonsoi Timugon

³ “Okou ulun mapandai matoi, susubon Tokou mongoi ra ulun ru Israil. Giminuor ilo Raki' koson ra kinamatuaan nilo ragili. Saboi raino lakat ilo poyo gumuor.

YEHEZKIEL 2:3 ပူးပေါင်းရင်းမြစ်များ

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

IJRA 9:7

Intor ra bulintok ru kinamatuaan maili saboi raino, akai ulun Muno makatula noyo Rirun. Kinibit ru tula mai no, raja'-raja' am imam-imam mai rinakop ru raja'-raja' bansa' ra bokon. Akai pinatoi, tinakawan am inibit sinauk ra ulun rinakop ra pagun ra bokon. Inasaban akai toojo, saboi orou raiti'.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

MAZMUR 106:28

Giu' boo ra Pior, ulun ri Aki Kapuuno' maya' sumamba ra Baal, am mangakan ra taak simbalui ondo' pataakon ra dewa-dewa ondo' kolondo' painawo.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JIRIMIA 1:7

Kaa' taam Tuhan, “Pai' no indagu ra okou no lakat poyo mamulok. Ongoi no ra ulun ondo' paangayin Kuno rirun, am balai' ilo ra ngaangai' ondo' panusuban Kuno rirun.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 44:20

Aku pana mindagu boo ra ngaangai' ungkuyon am ruandu' ondo' timinaam raki' no,

JIRIMIA 44:21

“Indoson min kia ra kalo nakapandai Tuhan, kapoam nampalilian Io ra binaal min? Akau am kinamatuaan min mampataak ra taak simbalui ra Raja' Ruandu' ru Suruga'; baal raginio niayuk binaal ru raja'-raja', tingganai-tingganai, mamagun ru pagun ti, am akau galama' giu' ra bandar Jiuda am giu' ra ralan-ralan ru Jirusalim.

YEHEZKIEL 17:12

“Kuati' ulun-ulun gumuor no ru makarati' ilo ra arati' ru abig no. Balai' ilo ra raja' ru pagun Babilonia matong ra Jirusalim am magibit ra raja' am niayuk pagawai-pagawai ru Jirusalim mababaya' riso sumaguli' ra Babilonia.

YEHEZKIEL 24:3

Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.

YEHEZKIEL 40:4

Indagu ungkuyon no raki', “Okou ulun mapandai matoi, rongogo' toojo am urioo' ngaangai' no ondo' panuluan ku rirun, sabap ra koson kuayan raginio noyo okou inibit ragiti. Balai' ulun ru Israil ra ngaangai' ondo' nakito muno.”

AMOS 7:15

Kaa' Tuhan nampiau raki' intor ra kandoi magalung ra bibiag tinambiag am nanusub raki' mampasaboi ra tanou Nano ra ulun ru Israil.

MALIAKI 3:7

Koson ra kinamatuaan min ragili, akau ngaangai' siminiang noyo intor ra ukum Kuno am kalo ginagaya' mambaal raginio. Saguli' kano Raki', am Aku niayuk sumaguli' ramuyun. Kaa' mangkuot kau, ‘Atan kia ondo' musiti' mai baalon koson sumaguli' Rirun?’

UNTABAN 20:10

Nanimung i Musa am i Arun ra ngaangai' ulun ru Israil giu' ra saang ru bulur batu no. Kon ri Musa, “Rongogo' min ulun giminuor kau ngai'! Musiti' kia ru mangingkual akai ra timug intor ra bulur batu ti ramuyun?”

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

SAGULION 9:24

Intor ra aku nakaulig ramuyun, magail kau gumuor ra Tuhan.

SAGULION 9:27

Karaa' noyo ulipon muno i Abragam, i Isak am i Jakub. Pai' lioo' bambalingatan, kalaatan am tula ru ulun ragitio.