Ambiluo ru Tuhan nanguasa' raki' am nanusub raki' nampasaboi ra tanou ti ra ulun, “Akau ngai' ulun ru Israil, nakapandai Aku ra atan ondo' raguon min am baal ra inatang min.
Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.
Kayango' aku boo ru Ambiluo ri Aki Kapuuno', am norongog ku bolos mosongou intor ra talikuron ondo' mindagu, “Omporo' noyo katulayan ru Tuhan giu' ra suruga'!”
Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.
Pakasail talu ngoorou naintanga' ratong poyo painawo intor ri Aki Kapuuno' am subol ra baangkai nilo. Ilo pana bigor am ngaangai' ru ulun nagilong risilo no nalaa' kakaga'.
Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.