YEHEZKIEL 19:12 - Tanou Moonsoi Timugon

¹² Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 19:12 ပူးပေါင်းရင်းမြစ်များ

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 23:34

Raja' Niko nampalantik ri Iliakim, anak ungkuyon ru Raja' Josia, koson namalit ra Raja' Josia masauk ra raja', am nangalig ra inggalan ri Iliakim nasauk ri Joyakim. Raja' Joagas inibit ru Raja' Niko minongoi ra Misir, tauli no Raja' Joagas minatoi ra giu' no.

2 RAJA'-RAJA' 24:6

Patoi Raja' Joyakim, am i Joyakin, anak ungkuyon nano minalit riso koson ra raja'.

MAZMUR 52:5

Motogom kou poyo ra kalaatan intor ra moonsoi, am maansayan poyo manimbaal ra ragu intor ra motopot.

MAZMUR 80:16

Bayago' noyo ulun Muno ondo' koson ra puun ru anggur tinanom Muli, am tutuu' bagu ondo' sinauk Mu ra mokotog.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

JIRIMIA 31:28

Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

YEHEZKIEL 15:2

“Okou ulun mapandai matoi, atan kia nansala' ra puun ru anggur am puun tataun ra bokon? Atan kia onong ru bulisang ru puun ru anggur amon ru pinogondo' ra puun tataun giu' ra kataunan?

YEHEZKIEL 15:4

Bulisang kolondo' onong ondo' ak am saukon ra luton. Paat ra karuo-ruo ra pompor no makai' mosolob am tampilon ra tanga' no naumpo, lakat poyo kia mokoonong?

YEHEZKIEL 17:10

Topot ra puun tataun no tinanom noyo, kaa' tumuu' kia puun tataun no am gumayo? kalo kia lumonot boo puun tataun no paat masiob ru angin sirangon? Kalo kia lumonot boo puun tataun no ra intok tinuwan nano?”

YEHEZKIEL 19:11

Bulisang-bulisang nano masauk ra maikang saboi masauk ra jujuga' ru pamarintaan. Puun no sumawat makasuku' ra gaun, am kaansayin ru ngaangai' ulun sabap masawat am maawas raun nano.

YEHEZKIEL 28:17

Malilimbau kou sabap ra bulos muno maindon, am mambaal kou ra sasambungon sabap ra nauligan kou kaga'. Ginio noyo sabap ra pinampasan Tokou ra tana', am nampasauk rirun koson ra pampakaraan ra raja'-raja' ra bokon.

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

SAGULION 29:28

Sangit ru Tuhan no moporos kaga' saboi bubulon No ulun ru Israil intor ra pagun nilo, am patirin ilo ra tana' ru bansa' ru bokon saboi ra orou raiti'.’

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.