YEHEZKIEL 19:11 - Tanou Moonsoi Timugon

¹¹ Bulisang-bulisang nano masauk ra maikang saboi masauk ra jujuga' ru pamarintaan. Puun no sumawat makasuku' ra gaun, am kaansayin ru ngaangai' ulun sabap masawat am maawas raun nano.

YEHEZKIEL 19:11 ပူးပေါင်းရင်းမြစ်များ

YEHEZKIEL 31:3

Okou koson ra puun tataun sidar giu' ra Libanon, nososok ra pango ondo' masuang am moonsoi, puun tataun ondo' masawat saboi untu nano makasaboi ra gaun.

DANIL 4:11

Puun tataun no giminayo am maikang saboi untu nano nakasaboi ra limbowon am maalap kakito ru moonong ulun ra tana' ti.

MAZMUR 80:15

Ratong No ramon, iou Aki Kapuuno' Ondo' Maayo Kaga' Kuasa'. Ilai' akai no intor ra suruga'; ratong no am bayago' noyo ulun Muno!

YEHEZKIEL 21:13

Tatanga' Aku mangkinam ra ulun Kuno, am amon marara' ilo tumalikur intor ra tula, ngaangai' baal ragitio lumumpa' risilo.’

YEHEZKIEL 21:10

Ilang no inasa' koson mamatoi, inisasan maa' raginio manguliat. Tayar ru ulun Kuno kolondo' boo kaansukan, sabap ra inimpayan nilo moonong pampakaraan am ukuman.

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 80:17

Puun no sinuruan am tinagar ru pantula' maino; polosoon noyo ilo maimbolo' ra sangit Muno!

IJRA 5:11

“Taam ilo, ‘Akai ti ulipon ri Aki Kapuuno' panguasa' ru tana' ti am limbowon. Nambaal akai saguli' ra Baloi ru Tuhan ondo' binaal am inukapan ra kaapar-aparan ra bilor ragili ru sangulun raja' ru Israil ondo' matulai.

IJRA 4:20

Raja'-raja' ondo' mapanggol namarinta noyo ra giu' am giu' ra titikop ru wilayah Iprat Kalasaan, am niayuk nampalulur ra cukai am tangguang.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

IMAMAT 23:40

Paat ra orou kasaa', alapo' kawa' ondo' moonsoi kaga' intor ra puun kinawa' mino, am alapo' niayuk raun palma, raan ru tataun ondo' maawas raun, am puun tataun magana' ra nambusak intor ra kiing ru sungoi, am talimpuunin noyo pangiantakan makaansuk koson mangurumat ra Tuhan i Aki Kapuuno' mino.

1 RAJA'-RAJA' 5:1

Raja' Giram intor ra Tirus magail rumangan ra Raja' Daut. Ginio ra paat Raja' Giram nokorongog ra Raja' Salomo namarinta minalit ra Raja' Daut ama' nano, nanusub io ra sangulun duta mongoi ra Raja' Salomo.