YEHEZKIEL 19:1 - Tanou Moonsoi Timugon

¹ Manusub Tuhan raki' marimbai ra rimbai ra manulaboi ti posoboyon ra ruo ngaulun anak ungkuyon:

YEHEZKIEL 19:1 ပူးပေါင်းရင်းမြစ်များ

2 RAJA'-RAJA' 23:34

Raja' Niko nampalantik ri Iliakim, anak ungkuyon ru Raja' Josia, koson namalit ra Raja' Josia masauk ra raja', am nangalig ra inggalan ri Iliakim nasauk ri Joyakim. Raja' Joagas inibit ru Raja' Niko minongoi ra Misir, tauli no Raja' Joagas minatoi ra giu' no.

2 RAJA'-RAJA' 24:12

am nababaya' Raja' Joyakin am ina' nano, anak-anak ungkuyon am ruandu' nano, pagawai-pagawai nano, pagawai-pagawai ru istana nano nakirakop ra ulun Babilonia, Raja' Joyakin pana rinakop. Kasaukan ragitio nasauk ra bilor kabalu' ru pamarintaan ru Raja' Nibukadnijar.

2 RAJA'-RAJA' 24:6

Patoi Raja' Joyakim, am i Joyakin, anak ungkuyon nano minalit riso koson ra raja'.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

2 TUNUNG RU BANSA' ISRAIL 36:3

Raja' Niko intor ra Misir, namparakop ra Raja' Joagas am nampajajal ra Jiuda nambayar ra cukai suang 3,400 ngakilogram pirok am 34 ngakilogram mas.

2 TUNUNG RU BANSA' ISRAIL 36:6

Raja' Nibukadnijar intor ra Babilonia namulunsar ra Jiuda. Rinakop no Raja' Joyakim, binangkil no io, am inibit no io ra Babilonia.

JIRIMIA 22:28

Aku, i Jirimia mindagu, “Koson kia Raja' Joyakin ra pagangan napilang ondo' pinatiran am kalo boo kasagain? Ginio kia sabap no ra io am anak-anak nano pinagiru' am pinatiran ra pagun ondo' kalo natutunan nilo?”

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

JIRIMIA 24:1

Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

SULABOI 5:12

Tingganai-tingganai mai rinakop am tinair, ulun matutuo mai kalo boo urumaton.

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

YEHEZKIEL 19:2

Ina' min koson ra singa' ruandu' ondo' totopot baani. Nampasukor io ra anak-anak nano ra gino ngai' ru singa'-singa' ungkuyon ondo' masangit.

YEHEZKIEL 2:10

Inukab boo naskhah rinulun no am nakito ku tulisan ra karuruo sapapa' no – tulisan mokoondo' ra sulaboi, panguliran am kangilukan.

YEHEZKIEL 26:17

Rimbayon nilo boo rimbai sulaboi ragitio ramuyun: Bandar maayo no napuso noyo! Kapal-kapal nano inalusan intor ra raat. Ragili mamagun nano nanguasa' ra raat, am nampalalaa' ra ngaangai' mamagun ru raat.

YEHEZKIEL 27:2

“Okou ulun mapandai matoi, parimbai no ra rimbai sulaboi ra tayar ru Tirus,

YEHEZKIEL 27:32

Marimbai ilo ra rimbai sulaboi rirun, ‘Tirus, osoi kia mokogondo' rirun? Tirus, giu' ra raat raino mongkoror kou.

YEHEZKIEL 28:12

“Okou ulun mapandai matoi, panulaboi no ra tayar ru raja' Tirus. Posoboyo' atan ondo' paraguon Kuno, Tuhan Raja' riso, ‘Igondo' kou nasauk ra tiluan moonsoi kaga'. Ragili totopot kou mapintar am maindon!

YEHEZKIEL 32:16

Pampakaraan ragitio masauk ra rimbai sulaboi, am ruandu' ru bansa'-bansa' ra bokon marimbai raginio koson manulaboi ra Misir am ngaangai' mamagun nano. Aku, Tuhan Raja', nakaindagu noyo.”

YEHEZKIEL 32:18

“Okou ulun mapandai matoi, panulaboi no ra tayar ru mamagun Misir ondo' masuang no. Atari' noyo ilo mababaya' ra bansa' ra bokon ondo' maikang ra intok ru ulun minatoi.

YEHEZKIEL 32:2

“Okou ulun mapandai matoi, anii' ra pampakaraan moporos ra raja' ru Misir. Posoboyo' ragu Kuno riso, ‘Giu' ra saang ru bansa'-bansa' ra bokon ilai' kou ayuk koson ra singa', kaa' baal muno koson poyo ra buayo ondo' minabol giu' ralalom ru sungoi. Kalayam muno nampalutok am nampajamol ra sungoi-sungoi.

AMOS 5:1

Rongog kano, akau ulun ru Israil! Rimbayin Ku akau ra rimbai panguliran: