YEHEZKIEL 18:7 - Tanou Moonsoi Timugon

⁷ Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 18:7 ပူးပေါင်းရင်းမြစ်များ

YEHEZKIEL 18:16

kapoam mangimbolo' ra ulun kapoam mantakou ra osoi ayuk. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 18:12

Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

KAINGKUALAN 22:26

Amon ru mangalap kau ra sukub ru sasangulun koson ra pangampin ra ira' nano, musiti' min pasagulion sukub no ra kalo poyo tumolop mato ru orou,

YEHEZKIEL 33:15

koson pasagulion nilo kuliamos ru ulun bokon kapoam pasagulion kuliamos ondo' tinakou nilo – amon ru lumonggo' ilo mambaal ra tula am gumagaya' ra ukum ondo' mangani' ra bayag, kalo matoi ilo kaa' maayag.

LUKAS 3:11

Taam i Juanis, “Osoi ayuk makabayang ruo, taaki' rondo' ra ulun kolondo' bayang! Osoi ayuk mokoondo' ra akanon, tayaro' akanon no!”

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

AMOS 2:8

Giu' ra moonong intok sambayangan, ulun mombolong ra bayang ondo' inalap intor ra ulun musikin koson ra jamin ru utang. Giu' ra Baloi ri Aki Kapuuno' nilo, manginum ilo ra wain ondo' inalap intor ra ulun ondo' nagutang risilo.

YEHEZKIEL 18:18

Kaa' ama' nano ondo' mamparuung, mantakou am masalok mambaal ra kalaatan ra ngaangai' ulun, matoi sabap ra tula ondo' binaal nano galama'.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JIPANYA 1:9

Ukumin Ku ngaangai' ulun ondo' siminambayang koson ra ulun ondo' kalo nakaulig Raki', am ondo' nantakou am niayuk namatoi koson nompososok ra baloi ru tingganai pangandayan nilo ra kuliamos-kuliamos tinakou.”

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

AMOS 6:3

Marara' kau mangiou ra orou ru karaat maar noyo, kaa' binaal min mampataki' ayuk ra ratangan ru orou makalalaa' no.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

AMSAL 28:27

Osoi mataau ra ulun musikin kalo matutusan. Osoi ondo' kalo mampalio ra ulun musikin iono ulason.

AMSAL 28:8

Osoi-osoi masauk ra langkaya' ondo' kologoon no bunga' ru ruit am niayuk mamparuung ra ulun bokon, rapu' nano masauk ra longgom ru ulun bokon ondo' makaasi' ra ulun musikin.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AMSAL 3:31

Pai' kau solon ra ulun malaat am pai' tiluo' paliso nilo.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 41:1

Ra tingganai ru santimungan maririmbai. Mazmur ri Daut.

AYUP 24:9

Ulun malaat mangulipon ra anak-anak ondo' nailusan ra ama', am nangalap ra lalagang ru ulun musikin koson ra jaminan.

AYUP 24:3

Ginaau nilo kaladai longgom ru anak nailusan ra matuo, am koson ra jaminan, inalap nilo sapi' gawayan intor ra ruandu' napuor.

AYUP 22:6

Koson mampajajal ra pabukat muno mambayar ra utang nano, ginaau mu bayang nano am pinoloso io nagibabaang.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

IMAMAT 25:14

Ginio sabap ra paat ra mantalan kau ra tana' ra gino ngai' ulun ru Israil, kapoam mambali ra tana' intor risilo, pai' baalo' mantalan am mambali no ra kalo matanda'.

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

KAINGKUALAN 22:25

“Amon ru mapaira' kau ra ruit ra sangulun musikin ra popolos ru ulun Kuno, pai' ikanuo' koson ra ondo' mapaira' ra ruit ondo' makitaak ra bunga' ru ruit.

NIGIMIA 5:10

Aku galama' nampaira' noyo ra ruit am gandum ra mamagun; koon niayuk ondo' binaal ru rangan-rangan kuno am ulun ondo' mangandoi ra tayar kuno. Raino, ibok kano langgai' takau sika' makibayar saguli' ra ira' no.