YEHEZKIEL 18:31 - Tanou Moonsoi Timugon

³¹ Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

YEHEZKIEL 18:31 ပူးပေါင်းရင်းမြစ်များ

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

YEHEZKIEL 20:7

Nanusub Aku risilo mamatir ra sinungkalalaing ondo' makauyuyu', ondo' kasagain nilo, am nanginggalar risilo mampajamol ra inan am sumamba ra sinungkalalaing ru ulun ru Misir, sabap ra Aku noyo Tuhan, i Aki Kapuuno' min.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

SAGULION 30:15

“Paat ra orou raiti' pambaal noyo ra pilian ra ondo' moonsoi am ondo' malaat, ondo' maayag am matoi.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

MATIUS 23:26

Akau poyo ulun ru Parisi, bolou kau nai! Bagui' pagulu atan ondo' ralalom ru sangkir no, am liwar no pana masauk mapasau.

MATIUS 12:33

“Amon ru masaga' makaalap ra kawa' moonsoi, akau musiti' mokoondo' ra puun moonsoi. Amon ru kalo moonsoi puun no, kawa' nano pana kalo niayuk moonsoi. Kinoonsoi ru rondo' puun tataun no mapandayan intor ra kawa' no.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

JIRIMIA 27:15

Tuhan galama' minindagu ra kalo nanusub Io risilo, am nagabau ilo rirun raja' ralalom ru inggalan Nano. Ginio ra pagiruon No am mamuso rirun raja' mababaya' ra nabi-nabi ondo' nagabau noyo rirun raja'.”

JIRIMIA 21:8

Tuhan pana nanusub boo raki' mindagu ra ulun Nano, “Rongogo' noyo! Aku, Tuhan, mangani' ramuyun ra pilion: ralan mongoi ra kaayagan, kapoam ralan ondo' mongoi ra kapatayan.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

AMSAL 8:36

Osoi kalo makatuum raki' mamungawo io, am ulun masisang raki', gumogot ra kapatayan.”

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JISAYA 59:20

Kon ru Tuhan ra ulun Nano, “Matong Aku ra Jirusalim koson manungka' am mamayag ra ngaangai' ulun ondo' timinalikur ra tula.

JIRIMIA 27:13

Nakaindagu noyo Tuhan ra bansa' ondo' kalo kumuku' ra raja' ru Babilonia matoi sabap ra pangayawan kapoam bitilan kapoam maruol tumapik. Kua rirun raja' am mamagun masaga' matoi koson raginio?

YEHEZKIEL 43:9

Raino musiti' ilo lumonggo' sumamba ra sinungkalalaing am mapabanding ra baangkai ru raja'-raja' nilo. Amon ru baalon nilo ginio, mayan Aku ra tatanga' nilo ra sabuoi-buoi no.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JAKARIA 1:3

Kaa' raino mindagu Aku ramuyun: Saguli' kano Raki', am Aku pana sumaguli' ramuyun.