YEHEZKIEL 18:30 - Tanou Moonsoi Timugon

³⁰ “Raino Aku, Tuhan Raja' mambala' ramuyun, ulun kau ru Israil, ra mangakim Aku ra moonong ulun sumugut ra binaal nano. Talikur no intor ra kalaatan ondo' tatanga' min baalon no, am pai' polosoo' tula min mamuso ramuyun.

YEHEZKIEL 18:30 ပူးပေါင်းရင်းမြစ်များ

IJRA 10:11

Ginio boo sabap ra iowo' noyo tula mino ra saang ru Tuhan, i Aki Kapuuno' ru kinamatuaan min am baalo' noyo atan ondo' makabansuk ra guang Nano. Inggalur kau intor ra ulun ru bansa' ra bokon ondo' minayan ra pagun takau, am pagiruo' ngaangai' andu' min ondo' bansa' ra bokon no.”

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

JISAYA 21:12

Taamo' ku, “Susuab no matong kaa' molondom matong poyo. Amon ru masaga' mangkuot, pangkuot poyo.”

JISAYA 59:20

Kon ru Tuhan ra ulun Nano, “Matong Aku ra Jirusalim koson manungka' am mamayag ra ngaangai' ulun ondo' timinalikur ra tula.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

YEHEZKIEL 14:6

“Ginio ra balai' ulun ru Israil ra Aku, Tuhan Raja' mindagu, ‘Talikur kano intor ra tula, am iruani' noyo sinungkalalaing mino ondo' makauyuyu' no.’

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

YEHEZKIEL 18:29

Akau pana ulun kau ru Israil mindagu, ‘Binaal ru Tuhan no kalo matimpok.’ Mangkara' kau ra kalo matimpok Aku, kaa' akau noyo ondo' kalo matimpok.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 33:20

Kabalu' pana raginio Israil lakat poyo mindagu ra binaal Kuno kalo matimpok. Ginio ra akimin Ku ilo sumugut ra binaal nilo.”

YEHEZKIEL 33:9

Amon ru mangani' kou ra pampakaraan ra ulun malaat, am kalo lumonggo' ilo mambaal ra tula, matoi ilo koson ra ulun makatula, kaa' okou mamayag ra inan galama'.”

YEHEZKIEL 34:20

“Ginio ra Aku, Tuhan Raja', nambala' ramuyun ra Aku masauk ra akim ru domba ondo' maikang am domba ondo' malawo.

YEHEZKIEL 36:19

Ukumin Ku ilo nogondo' koson ra baal ru kaayagan nilo am paliso nilo, am pantutuliaron Ku boo ilo giu' ra pagun-pagun ra bokon.

YEHEZKIEL 43:9

Raino musiti' ilo lumonggo' sumamba ra sinungkalalaing am mapabanding ra baangkai ru raja'-raja' nilo. Amon ru baalon nilo ginio, mayan Aku ra tatanga' nilo ra sabuoi-buoi no.”

YEHEZKIEL 7:27

Raja' mangulir; anak ungkuyon ru raja' kolondo' boo kalansanan, am mamagun monontol ra malaa'. Ukumin Takamin mogondo' ra ngaangai' binaal min. Mangakim Aku ramuyun koson ra Aku nangakim noyo ra ulun ra bokon. Bagu no makapandai kau ra Aku noyo Tuhan.”

YEHEZKIEL 7:3

Okou Israil, raino nasaboi noyo kapusaan muno! Makaliman kou ra poros ru sangit Kuno, sabap ra mangakim Aku ra binaal muno. Mambalos Aku ra paliso muno ondo' makauyuyu' no.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 25:32

Ngaangai' ulun ru tana' ti timungon ra saang Nano. Lilion No ilo ti ra ruo ngantayaran, koson ra magagalung mampalili' ra domba nano intor ra kambing.

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 3:8

Bonsoyo' bayag mino sabap ra ginio noyo tatandu' ra akau timinalikur intor ra tula mino.

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

PINAINTALANG 2:16

Sabap raginio, talikur kano intor ra tula mino! Amon ru kalo tumalikur kau, matong Aku ramuyun ra mataki' am tumula' ra ulun-ulun ra ilang ondo' mingkual ra kabang Kuno.

PINAINTALANG 2:5

Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 22:12

Indagu poyo i Jisus, “Rongogo' min gitio, kalo boo mabuoi am matong Aku am balasin Ku moonong ulun maya' ra atan ondo' binaal nali.