YEHEZKIEL 18:27 - Tanou Moonsoi Timugon

²⁷ Paat ra sangulun malaat lumonggo' mambaal ra tula, am tumalimpuun mambaal ra matimpok am moonsoi, namayag ulun no ra kaayagan nano.

YEHEZKIEL 18:27 ပူးပေါင်းရင်းမြစ်များ

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

MATIUS 9:13

Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

YEHEZKIEL 33:5

Pinatayan nano kinibit ru kasalaan nano galama', sabap ra kalo nampalio io ra tatandu' makalalaa' no. Amon nampalio io ra tatandu' makalalaa' no, maaru' bayagon io.

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 18:26

Paat ra sangulun moonsoi lumonggo' mambaal ra moonsoi, mulu' poyo ra tumalimpuun io mambaal ra malaat am matoi ulun no, matoi io sabap ra binaal nano ra malaat no.

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –