YEHEZKIEL 18:26 - Tanou Moonsoi Timugon

²⁶ Paat ra sangulun moonsoi lumonggo' mambaal ra moonsoi, mulu' poyo ra tumalimpuun io mambaal ra malaat am matoi ulun no, matoi io sabap ra binaal nano ra malaat no.

YEHEZKIEL 18:26 ပူးပေါင်းရင်းမြစ်များ

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

YEHEZKIEL 18:27

Paat ra sangulun malaat lumonggo' mambaal ra tula, am tumalimpuun mambaal ra matimpok am moonsoi, namayag ulun no ra kaayagan nano.

YEHEZKIEL 33:13

Maaru' lair nambantu' Aku ra kaayagan ra ulun moonsoi, kaa' amon ru indoson nilo ra kinoonsoi nilo ragili makapamayag risilo, am ilo pana tumalimpuun makatula, kalo karaan Ku kinoonsoi nilo ragili. Matoi ilo sabap ra tula nilo.

IMAMAT 6:7

Musiti' imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan.

AMSAL 2:13

Ulun koson raginio nanatang ra ralan kaayagan ra moonsoi, am ralan molondom binaya' no ondo' napanu' ra tula.

YEHEZKIEL 3:20

Amon ru sangulun ondo' moonsoi tumalimpuun mambaal ra malaat, am aku nampauma' riso ra makalalaa', am io pana matoi amon kalo aniin mu io ra pampakaraan. Matoi io sabap ra tula nano, am kalo karaan Ku binaal nali ondo' moonsoi ragili. Kaa' karaan Tokou ra mosonsol ra pinatayan nano.

YEHEZKIEL 18:18

Kaa' ama' nano ondo' mamparuung, mantakou am masalok mambaal ra kalaatan ra ngaangai' ulun, matoi sabap ra tula ondo' binaal nano galama'.

YEHEZKIEL 33:18

Paat ra ulun moonsoi tumalimpuun mambaal ra malaat, matoi ilo sabap ra binaal malaat no.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

1 JUANIS 5:17

Ngaangai' baal makasala no tula. Kaa' mokoondo' tula kalo magibit ra kapatayan.