YEHEZKIEL 18:23 - Tanou Moonsoi Timugon

²³ Indoson min kia ra masaga' Aku magilong ra ulun malaat matoi?” ragu ru Tuhan Raja'. “Kalo! Masaga' Aku io tumalikur ra tula am maayag.

YEHEZKIEL 18:23 ပူးပေါင်းရင်းမြစ်များ

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

1 TIMOTIUS 2:4

ondo' masaga' ra ngaangai' ulun bayagon am makaulig ra katapatan.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.

YEHEZKIEL 18:32

Kalo masaga' Aku ra osoi pana matoi,” Koon raginio noyo ragu ru Tuhan Raja'. “Talikur kano intor ra tula min maa' raginio maayag kau.”

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

SULABOI 3:33

Kalo masaga' Io mangkinibit ritakau maimbolo' am mangiluk.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.