YEHEZKIEL 18:19 - Tanou Moonsoi Timugon

¹⁹ “Maaru' mangkuot kau kua ra anak no kalo nakinibitan intor ra tula ru ama' nano. Taaman nano iono anak no nambaal ra matimpok am moonsoi. Giminagaya' io ra ukum Kuno am binaal no ra matanda'. Ginio ra maaru' maayag io.

YEHEZKIEL 18:19 ပူးပေါင်းရင်းမြစ်များ

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

JIRIMIA 15:4

Mangkinibit Aku ra ngaangai' bansa' ra tana' ti malaa' magilong risilo sabap ra binaal ri Manasi anak ri Gijkia giu' ra Jirusalim, paat ri Manasi nasauk ra raja' ru Jiuda.”

YEHEZKIEL 18:9

Sumugut io ra susuban Kuno am gumagaya' ra ukum Kuno. Ulun koson raginio moonsoi am maayag.” Ginio noyo ragu ru Tuhan Raja'.

YEHEZKIEL 18:2

“Atan kia panginuuyan ondo' sasabiton ru ulun giu' ra pagun ru Israil? ‘Ina' am ama' mangakan ra anggur mataris, kaa' anak ondo' maangil ripon.’ ”

SAGULION 5:9

Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

YEHEZKIEL 20:30

Ginio ra posoboyo' noyo atan ondo' paraguon Kuno, Tuhan Raja' ra ulun ru Israil: Kua kia musiti' kau makatula koson ra kinamatuaan min, am nangilou ra sinungkalalaing nilo?

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

SULABOI 5:7

Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

2 RAJA'-RAJA' 23:26

Kaa' sangit ru Tuhan ra Jiuda ondo' pinasingkual ru Raja' Manasi nanimbula' toojo saboi paat raginio pana Tuhan lakat poyo sumangit.

YEHEZKIEL 18:18

Kaa' ama' nano ondo' mamparuung, mantakou am masalok mambaal ra kalaatan ra ngaangai' ulun, matoi sabap ra tula ondo' binaal nano galama'.

YEHEZKIEL 33:10

Indagu Tuhan raki', “Okou ulun mapandai matoi, rulio' noyo ragu-ragu ru ulun ru Israil risilo, ‘Nangkagas akai sabap ra nansaan akai ra bagat ru tula am kasalaan mai. Ati kulaan akai maayag?’