YEHEZKIEL 18:17 - Tanou Moonsoi Timugon

¹⁷ Kalo masaga' io mambaal ra kalaatan am kalo makitaak ra bunga' paat mampaira' ra ruit. Sumugut io ra susuban Kuno am gumagaya' ra ukum Kuno. Ulun no kalo matoi sabap ra tula ru ama' nano, kaa' maaru' maayag io.

YEHEZKIEL 18:17 ပူးပေါင်းရင်းမြစ်များ

MALIAKI 3:7

Koson ra kinamatuaan min ragili, akau ngaangai' siminiang noyo intor ra ukum Kuno am kalo ginagaya' mambaal raginio. Saguli' kano Raki', am Aku niayuk sumaguli' ramuyun. Kaa' mangkuot kau, ‘Atan kia ondo' musiti' mai baalon koson sumaguli' Rirun?’

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

YEHEZKIEL 33:13

Maaru' lair nambantu' Aku ra kaayagan ra ulun moonsoi, kaa' amon ru indoson nilo ra kinoonsoi nilo ragili makapamayag risilo, am ilo pana tumalimpuun makatula, kalo karaan Ku kinoonsoi nilo ragili. Matoi ilo sabap ra tula nilo.

YEHEZKIEL 20:30

Ginio ra posoboyo' noyo atan ondo' paraguon Kuno, Tuhan Raja' ra ulun ru Israil: Kua kia musiti' kau makatula koson ra kinamatuaan min, am nangilou ra sinungkalalaing nilo?

YEHEZKIEL 20:18

Kaa' pinakara' Ku ilo ondo' mangamulok: Pai' gagaya' ra ukum ru kinamatuaan min; pai' pagibaya' ra kaulayan nilo galama', am pai' jamali' inan ra sumamba ra sinungkalalaing nilo.

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 3:21

Amon ru mampakara' kou ra sasangulun ondo' moonsoi maa' raginio kalo mambaal ra tula, am io pana sumugut ra bilin muno am kalo makatula, am io pana maayag am okou pana maayag.”

JIRIMIA 22:16

Mangakim io ra baal ru ulun musikin ra matimpok; ngaangai' no mugar ra moonsoi riso. Ginio arati' no makaulig ra Tuhan.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

AMSAL 29:14

Amon ru raja' manungka' ra pagapuan ru ulun musikin, pamarintaan nano maikang ra sabuoi-buoi no.

AMSAL 29:7

Ulun moonsoi makapandai ra pagapuan ru ulun musikin, kaa' ulun malaat kalo makarati' ra baal koson raginio.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AYUP 29:16

Ra ulun musikin, masauk aku ra ama'; ra ulun bansa' ru bokon, masauk aku ra manaung.

IMAMAT 18:30

Indagu Tuhan, “Gagayaa' noyo susuban Kuno am pai' tilu ra binaal ru ulun ondo' minayan giu' ra pagun no ragili. Pai' jamali' inan muno ra mambaal ra baal raginio. Aku noyo Tuhan i Aki Kapuuno' min.”

IMAMAT 18:26

Nambaal ilo ra ngaangai' baal jajajou am niayuk napajamol ra pagun no, kaa' akau inggalarin mambaal raginio. Akau ngaangai', ondo' ulun ru Israil kapoam ulun bansa' ru bokon, musiti' gumagaya' ra ukum am susuban ru Tuhan.

IMAMAT 18:4

Gagayaa' noyo ukum Kuno am baalo' noyo atan panusuban Kuno. Aku noyo Tuhan i Aki Kapuuno' min.

LUKAS 19:8

Kaa' bigor i Jakius am indagu ri Jisus, “Tuan, rongogo', sampiruo intor ra rapu' kuno tatayaron ku ra ulun musikin, am ondo' rinuung kuli pana, pasagulion ku poyo saboi inggapat suang no!”

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

YEHEZKIEL 18:18

Kaa' ama' nano ondo' mamparuung, mantakou am masalok mambaal ra kalaatan ra ngaangai' ulun, matoi sabap ra tula ondo' binaal nano galama'.

MAZMUR 119:3

Kalo mambaal ilo ra kalaatan, kaa kaayagan nilo maya' ra kasagaan ru Tuhan.