YEHEZKIEL 18:12 - Tanou Moonsoi Timugon

¹² Mamparuung io ra ulun musikin, mantakou, am kalo mampasaguli' ra kuliamos ondo' inapu no koson ra jaminan ra irain. Mongoi io ra kuil-kuil am sumamba ra sinungkalalaing ondo' makauyuyu',

YEHEZKIEL 18:12 ပူးပေါင်းရင်းမြစ်များ

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

YEHEZKIEL 8:6

Indagu i Aki Kapuuno' raki', “Okou ulun mapandai matoi, nakito mu kia atan tatanga' masauk? Ilai' binaal makauyuyu' ondo' binaal ru ulun ru Israil, ondo' napainggalur poyo boo Raki' intor ra intok Kuno ra mapasau. Makakito kou poyo ra baal-baal ondo' makauyuyu' poyo kaga'.”

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

2 RAJA'-RAJA' 21:11

“Raja' Manasi nambaal ra baal-baal ondo' majaka', ondo' majaka' poyo intor ra binaal ru ulun ru Kanaan. Ra ondo' sinungkalalaing nano, nangkinibit io ra mamagun ru Jiuda makatula.

JAKARIA 7:10

Pai' imboloo' ruandu' napuor, anak nailusan ra matuo, ulun bokon ondo' minayan ra tatanga' min, kapoam osoi ayuk ondo' ralalom ru kapaganan. Pai' pangatang ra baal ondo' malaat ra ulun ru akau po ngai'.’

YEHEZKIEL 18:16

kapoam mangimbolo' ra ulun kapoam mantakou ra osoi ayuk. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

JAKUBUS 2:6

Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama?

GOSIA 12:7

Ginio ra, akau papag ri Jakub, pangintopot kano ri Aki Kapuuno', am saguli' kano Riso. Kaayag kano ra matikop ra togom am baalo' ondo' matimpok, am inaani' ra guang tumaan saboi i Aki Kapuuno' min mimbuor.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

IMAMAT 18:22

Ungkuyon kalo parulugon ra ungkuyon ra bokon. Masisang i Aki Kapuuno' ra baal raginio.

JISAYA 3:14

Akimin ru Tuhan tingganai-tingganai ru ulun Nano. Gitio noyo nanguwan Nano risilo, “Ginaau min ampos ru umo ru anggur am baloi mino nososok ra kuliamos ondo' ginaau min intor ra ulun musikin.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

YEHEZKIEL 7:23

Titikop pagun mataliajou; pagun natikop ra pampatayan, am bandar-bandar nototop ra kalaatan.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?