YEHEZKIEL 17:9 - Tanou Moonsoi Timugon

⁹ “Aku, Tuhan Raja' pana mangkuot: Puun ru anggur ti biag kia am tumuu'? Kalo kia bubulon bakat no ru susuit kanui ondo' kasaa', mangupu' ra kawa'-kawa' nano, mamandak ra bulisang nano, am polosoon ginio lumonot? Kolondo' pakuan masuang ikang kapoam bansa' ondo' maikang koson mambaal ra baal raginio.

YEHEZKIEL 17:9 ပူးပေါင်းရင်းမြစ်များ

2 TUNUNG RU BANSA' ISRAIL 13:12

I Aki Kapuuno' galama' ondo' nasauk ra tingganai mai. Imam-imam Nano soroi ragiti am nakatampos manamput ra bujung koson ra tatandu' mai koson mamulunsar ramuyun. Mamagun kau ru Israil, pai' anggal ra Tuhan, i Aki Kapuuno' ru kinamatuaan min! Kalo lair mamanang kau!”

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

JIRIMIA 32:5

Kopongo raginio ibito' i Jidikia ra Babilonia am mayan ra giu' no saboi ra ukumin Ku io. Kabalu' pana mamulunsar io ra ulun ru Babilonia, kalo makasugut io. Aku, Tuhan nakaindagu noyo.”

JIRIMIA 37:10

Amon ru makasugut kau mangala ra ngaangai' saujor ru Babilonia, saboi ondo' soroi ayuk am ulun ondo' nangapilatan giu' ra ralalom ru kim-kim, kaa' tumirong ilo am monolob ra bandar ti saboi makai'.”

YEHEZKIEL 17:10

Topot ra puun tataun no tinanom noyo, kaa' tumuu' kia puun tataun no am gumayo? kalo kia lumonot boo puun tataun no paat masiob ru angin sirangon? Kalo kia lumonot boo puun tataun no ra intok tinuwan nano?”

YEHEZKIEL 17:8

Alika puun ru anggur no tinanom noyo giu' ra intok ondo' malabung am makatimug, saboi raun am kawa' nano maawas, am masauk ra puun ru anggur ondo' moonsoi kaga'.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

UNTABAN 14:41

Kaa' taam i Musa, “Kua kia anggal kau raino ra susuban ru Tuhan? Kalo mamanang kau!