YEHEZKIEL 17:24 - Tanou Moonsoi Timugon

²⁴ Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 17:24 ပူးပေါင်းရင်းမြစ်များ

AYUP 40:12

Iou, tantangi' noyo ulun ondo' lumimbau am pakukuo' ilo; umoko' noyo ulun malaat raino niayuk.

AYUP 5:11

Topot i Aki Kapuuno' ondo' napainsawat ra ulun musikin, am napakaansuk ra ulun mapagon.

MAZMUR 89:38

Karajaan nano mantilayun koson ra bulan, sasi' ra mampagagaya' giu' ra limbowon.”

MAZMUR 89:45

Kuasa' nano ra maantak pinolonggo' Mu, am panturungan nano pinatiran Mu ra tana'.

JISAYA 22:19

Tuhan mopolonggo' rirun intor ra kandoi muno am patuunon kou intor ra pangkat muno ra masawat.”

JISAYA 26:5

Ulun malilimbau paingganaan No; Bandar ra mapiot ondo' inayanan nilono binunsag No, am pinuut No timbok no saboi sawat nano nontotop ayuk boo ra tana'.

YEHEZKIEL 12:25

Aku, Tuhan mindagu ra ulun ru Israil, am ngaangai' ondo' raguon Kuno musiti' masauk, ra kalo boo paginjul-ginjul. Akau ulun gumuor, paat ra okou maayag, suguton Ku atan ondo' pinakara' Kuno ramuyun. Aku, Tuhan Raja', nakaindagu noyo.”

YEHEZKIEL 18:1

Indagu Tuhan raki',

YEHEZKIEL 21:26

Aku, Tuhan Raja' minindagu noyo. Iruo' karaun am serban min. Raino ngaangai' no makulau. Kasawato' intok ru ulun musikin. Paingganaa' intok ru ulun makakuasa'.

YEHEZKIEL 22:14

Lakat poyo kia baani kau kapoam lakat poyo kia maikang kau mangakat ra kalindu' min malupus ra Aku mangukum ramuyun? Aku, Tuhan minindagu noyo am mambaal Aku ra atan ondo' rinagu Ku noyo.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 36:36

Bagu no makapandai bansa'-bansa' paginggaar ondo' lakat poyo maayag ra Aku, Tuhan nambaal saguli' ra bandar-bandar ondo' napuut am nangandoi saguli' ra tana' ondo' kolondo' tutuu'. Aku, Tuhan nambantu' mambaal raginio am maaru' baalon Ku ginio.”

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

UNTABAN 17:8

Suabon raginio, paat ri Musa mumpos ra ralalom Kim ru Tuhan, nakito no ra jujuga' ri Arun, jujuga' ondo' nanguakil ra bansa' ru Liwi, nanalantar noyo. Jujuga' no makapumput noyo, makabusak am makaampos kukula' kawa' ru badam ondo' matuo.

MATIUS 24:35

Limbowon am tana' ti mapuso, kaa' ragu Kutu mantilayun.”

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

LUKAS 21:33

Limbowon am tana' ti mapuso, kaa' ragu Kutu mantilayun.”