YEHEZKIEL 17:23 - Tanou Moonsoi Timugon

²³ gunung ondo' masawat kaga' ra Israil. Umbus no manampango am mangkawa', masauk boo ra puun tataun sidar ondo' moonsoi kaga'. Mansalinut susuit manabunsut ra giu' no, am sumindung ra saau nano.

YEHEZKIEL 17:23 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

MAZMUR 80:8

Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

RIMBAI PANGAMPARAN 5:15

Kalayam nano koson ra lugu' ru marmar mapulak, ondo' inangkupan ra mas pinasau. Ugar nano maikang kaga' koson ra gunung-gunung giu' ra Libanon, am kinaindon nano koson ra puun ru tataun sidar.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JISAYA 49:18

Ilai' noyo am tantangi' noyo libung muno, ulun muno timinimung am matong rirun. Sabap ra Aku, i Aki Kapuuno' ondo' maayag, mindagu Aku, maansukan kou kaga' sabap namagun muno, koson ra ruandu' inuot maantak guang ra io pinampakai.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 31:6

Ngaangai' salinut ru susuit nanabunsut ra raan nano, bibiag masigo naganak ra saau ra raan nano. Bansa'-bansa' sumindung ra saau nano.

YEHEZKIEL 36:8

Kaa' puun-puun tataun giu' ra kagunungan ru Israil makaraun am makakawa' saguli' ra tayar min, Israil kau, ulun Kuno. Kalo boo mabuoi makauli' kau.

YEHEZKIEL 40:2

Ralalom ru rondo' pinaintalang, nagibit i Aki Kapuuno' raki' ra pagun ru Israil am napaayan raki' ra rasawat ru gunung ondo' masawat. Giu' ra saang kuno, makito baloi-baloi masawat ondo' natilu ra rondo' bandar.

DANIL 4:8

Kopongo raginio minatong i Danil uma' raki'. Io niayuk ininggalanan ri Biltsajar, sumugut ra inggalan ru dewa kuno. Nokoowot i Danil ra kuasa' intor ra ambiluo ru dewa-dewa ondo' mapasau, aku pana nantunung ra inupi kuno riso. Indagu aku:

DANIL 4:9

Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

GOSIA 14:7

Maayag ilo am sumuang toojo koson ra tatanom ondo' masuang talantar nano, am masauk ilo ra moonsoi koson ra puun ru jaitun. Masauk ilo ra maamis owou koson ra puun ru sidar giu' ra Libanon.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

MATIUS 13:32

Unor no boborok kaga' intor ra nansalinut unor ra tana' ti. Kaa' paat ra io tumuu', masauk io maayo toojo intor ra nansalinut puun tonomon ra bokon no. Masauk io ra puun tataun, saboi susuit-susuit rumatong manabunsut ra raan nano.”

MARKUS 4:32

Kaa' kalo mabuoi, tumuu' io am masauk maayo kaga' intor ra nansalinut puun tonomon ra bokon, am mananraan makalu saboi matong susuit manabunsut ra raan ondo' masindungan no.”

LUKAS 13:19

Baal nano koson ra sangunor mustard ondo' inalap ru sangulun am tonomo' no giu' ra umo. Kabalu' pana malumot unor no, tumuu' am masauk ra puun masawat saboi manabunsut susuit-susuit ra raan nano.”

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”