YEHEZKIEL 17:21 - Tanou Moonsoi Timugon

²¹ Saujor-saujor nano ondo' mapanggol kaga' potoyon ralalom pangayawan, am ilo ondo' maayag pantutuliaron ra ati ayuk intok. Makapandai kau boo ra Aku, Tuhan nakaindagu noyo.”

YEHEZKIEL 17:21 ပူးပေါင်းရင်းမြစ်များ

2 RAJA'-RAJA' 25:11

Kopongo raginio nagibit Nibujaradan ra mamagun ondo' lakat poyo minayan ra bandar no ra Babilonia, iono ulun manukang ra mapandai kaga' ondo' lakat poyo natatang am ulun ondo' minaya' ra ulun ru Babilonia.

2 RAJA'-RAJA' 25:5

Kaa' saujor ru Babilonia nangilou ra Raja' Jidikia am namparakop riso giu' ra tana' malimparang mamaar ra Jiriko. Nakapaat raginio ngaangai' ru saujor ru Raja' Jidikia nangiruan riso.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 52:8

Kaa' saujor ru Babilonia nangilou ra Raja' Jidikia, am namparakop riso giu' ra pipit mamaar ra Jiriko. Paat raginio ngaangai' ru saujor nano nangiruan ra Raja' Jidikia.

YEHEZKIEL 12:14

Ngaangai' ulun giu' ra istana nano pantutuliaron Ku, ulun-ulun mambibilin am ulun magalung ayuk riso. Ilowon am potoyon Ku ilo.

YEHEZKIEL 13:14

Kuayan Kuno koson mampalunsai ra timbok ondo' kinapuran nilo. Tutukon Ku ginio saboi batu maatang nano makito. Timbok no malunsai am mamatoi ramuyun ngaangai'. Bagu no moonong ulun makapandai ra Aku noyo Tuhan.

YEHEZKIEL 13:23

Raino pinaintalang ra kalo motopot am ondo' ragu inala' mino ondo' nampakalayau no napupusan noyo. Tatanga' Aku mamayag ra ulun Kuno intor ra kuasa' mino maa' raginio makapandai kau ra Aku noyo Tuhan.”

YEHEZKIEL 15:7

am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo Tuhan.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

YEHEZKIEL 6:10

Bagu no makapandai ilo ra Aku noyo Tuhan am ra pampakaraan Kuno sala' ka lolob magabau.”

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.