YEHEZKIEL 17:16 - Tanou Moonsoi Timugon

¹⁶ Indagu Tuhan Raja', “Sabap ra Aku, i Aki Kapuuno' ondo' maayag, raja' ru Jiuda matoi giu' ra Babilonia, sabap ra liminungkang ra ibot am nabantuan nano ra raja' ru Babilonia ondo' nampasauk riso ra raja'.

YEHEZKIEL 17:16 ပူးပေါင်းရင်းမြစ်များ

2 SAMUIL 21:2

Ulun ru Gibion sala' ka ulun ru Israil; ilo no santimungan boborok bansa' ru Amori. Ulun ru Israil nambantu' koson manindung risilo, kaa' Raja' Saul minirot koson mamuso risilo sabap ra magalung io ra kaatangan ru ulun ru Israil am Jiuda.)

2 RAJA'-RAJA' 24:17

Napalantik Raja' Nibukadnijar ri Matanya, kamaman ru Raja' Joyakin, nasauk ra raja' ru Jiuda, am nangalig ra inggalan nano nasauk ri Jidikia.

2 RAJA'-RAJA' 24:20

Siminangit kaga' Tuhan ra mamagun ru Jirusalim am Jiuda saboi ra kalo boo mampalio Io risilo.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KAINGKUALAN 8:2

Amon ru kalo iowon mu, totopon Ku pagun muno ra antit koson ra ukuman.

JIRIMIA 34:21

Pataakon Ku niayuk Raja' Jidikia intor ra Jiuda, am pagawai-pagawai nano ra ulun ondo' masaga' mamatoi risilo. Pataakon Ku ilo ra saujor ru Babilonia, ondo' liminonggo' namulunsar ramuyun.

JIRIMIA 39:7

Kopongo raginio mato ru Raja' Jidikia kinuol, io pana rinantai am inibit ra Babilonia.

JIRIMIA 52:11

Kopongo raginio mato ru Raja' Jidikia kinuol, am rinantai io am inibit ra bandar Babil. Inaput Raja' Jidikia ra giu' no suku' ra io minatoi.

YEHEZKIEL 12:13

Kaa' paatangon Ku pamalandak koson mamparakop ra raja'. Aku boo magibit riso mongoi ra bandar Babil, am matoi io ra kalo makakito ra bandar no.

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

YEHEZKIEL 17:10

Topot ra puun tataun no tinanom noyo, kaa' tumuu' kia puun tataun no am gumayo? kalo kia lumonot boo puun tataun no paat masiob ru angin sirangon? Kalo kia lumonot boo puun tataun no ra intok tinuwan nano?”

YEHEZKIEL 17:13

Magibit io sangulun ra sasambaloi ru raja' am makimabantu' riso, am manusub riso magibot ra gumagaya' riso. Rokopon ru raja' ru Babilonia tingganai-tingganai ru Jirusalim

YEHEZKIEL 21:23

Mamagun ru Jirusalim marara' mangintopot ra baal raginio, sabap ra nambaal ilo ra nabantuan ra Babilonia. Kaa' ragu inala' ragitio koson mampakara' risilo ra makatula ilo am rokopon.

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

UNTABAN 30:2

Paat ra sangulun ungkuyon mokogogoton koson manaak ra rorondo' ra Tuhan kapoam magibot ra kalo mambaal ra rorondo' baal, kalo makalungkang io ra bantu' nano. Musiti' io mambaal ra ngaangai' ondo' rinagu nano.

ROMA 1:31

jajajou ilo, lumungkang ilo am kalo makaasi' ra ulun bokon.

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.

JOSUA 9:20

Musiti' takau polosoon ilo maayag sabap ra nabantuan takano; amon kalo, mangukum i Aki Kapuuno' ritakau.