YEHEZKIEL 17:15 - Tanou Moonsoi Timugon

¹⁵ Kaa' raja' Jiuda gumuor am nangator ra ulun minongoi ra Misir koson mokoowot ra kuda am niayuk pulalai ru saujor ondo' maayo. Nakasugut kia raja' ru Jiuda? Palabuson io kia intor ra kinibit ru binaal raginio? Kalo lair lumungkang io ra nabantuan am palabuson intor ra ukuman!”

YEHEZKIEL 17:15 ပူးပေါင်းရင်းမြစ်များ

2 RAJA'-RAJA' 24:20

Siminangit kaga' Tuhan ra mamagun ru Jirusalim am Jiuda saboi ra kalo boo mampalio Io risilo.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

MAZMUR 56:7

Mantitimung ilo ra intok pansibunian, am magilong ilo ra moonong aku mimbuor, liliwa' nilo maguyum ra kaluagan koson mamatoi raki'.

AMSAL 19:5

Ulun ondo' magabau giu' ra makama' am ulun ondo' magambut musiti' ukumin.

JISAYA 36:5

Makapangkara' kau kia ra ragu-ragu ayuk makasuali ra kapintaran am kaikangan ru saujor? Osoi kia lansanin min koson mangindangan ramuyun mamulunsar ra Asyur?

JIRIMIA 32:4

am Raja' Jidikia kalo makapagiru'. Pataakon io ra raja' ru Babilonia; muma' io ra raja' no am mindagu riso.

JIRIMIA 34:3

Kalo makapagiru' kou; rokopon am pataakon kou riso. Makauma' kou riso am okou galama' mindagu riso; okou pana mongoi ra Babilonia.

JIRIMIA 38:18

Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 38:23

Indagu aku poyo, “Ngaangai' andu' am niayuk anak muno raja' ibiton ra ulun ru Babilonia, am okou galama' pana kalo makapagiru' intor risilo. Rokopon kou ru raja' ru Babilonia, am bandar ti solobon saboi makai'.”

JIRIMIA 52:3

Siminangit kaga' Tuhan ra mamagun ru Jirusalim am Jiuda saboi pinagiru' No ilo am kalo boo nanindung risilo. Giminuor Raja' Jidikia ra Raja' Nibukadnijar intor ra Babilonia.

YEHEZKIEL 17:18

Liminungkang raja' ru Jiuda ra ibot am nabantuan nano. Ginio ra kalo makalabus io.”

YEHEZKIEL 17:7

“Mokoondo' poyo sanginan kanui maayo kaga'. Kawo nano mapila' am bulu nano makapal. Puun ru anggur no pana nopoongoi ra bakat am raun nano ra susuit kanui ondo' karuo no am malansan ra susuit no mangani' ra masuang poyo timug intor ra ondo' soroi giu' ra umo no.

YEHEZKIEL 17:9

“Aku, Tuhan Raja' pana mangkuot: Puun ru anggur ti biag kia am tumuu'? Kalo kia bubulon bakat no ru susuit kanui ondo' kasaa', mangupu' ra kawa'-kawa' nano, mamandak ra bulisang nano, am polosoon ginio lumonot? Kolondo' pakuan masuang ikang kapoam bansa' ondo' maikang koson mambaal ra baal raginio.

YEHEZKIEL 21:25

‘Akau ngai' tingganai ru Israil, tingganai ondo' malaat am gugumuor, orou pangukuman ondo' pupus ramuyun mamaar noyo.

YEHEZKIEL 21:28

“Okou ulun mapandai matoi, indagu ra ragu manala'. Balai' noyo ulun ru Amon ondo' magasab ra Israil ra Aku, Tuhan Raja' minindagu, ‘Ilang binutus noyo koson mamuso; inasa' koson mampatoi am manguliat koson ra ganit.

YEHEZKIEL 23:20

Guang nano lumaai kaga' ra ungkuyon maikang koson ra kaladai kapoam kuda ungkuyon.” (

YEHEZKIEL 29:16

Israil kalo boo makiindangan risilo. Paat ra ulun ru Israil mangkara' ra atan ondo' nasauk ra ulun ru Misir, ulun ru Israil makaliman ra mapara' boo sala no lumansan ra indangan ru ulun ru Misir. Ulun ru Israil pana makapandai ra Aku noyo Tuhan Raja'.”

YEHEZKIEL 29:7

Paat ra ilo sumandig ramuyun, mapandak kau am manujok ra pakilok nilo saboi bakulung nilo masilik.

MATIUS 23:33

Akau ngaangai' ti ulun malaat! Sayat kau ru kukuo! Akau ukumin mongoi ra naraka am kolondo' pagiruan min

SAGULION 17:16

Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

JOSUA 9:20

Musiti' takau polosoon ilo maayag sabap ra nabantuan takano; amon kalo, mangukum i Aki Kapuuno' ritakau.