YEHEZKIEL 16:8 - Tanou Moonsoi Timugon

⁸ “Paat ra Aku nansail poyo, nakaliman Aku ra paat muno koson makakubayau nasaboi noyo. Sinilian Ku inan muno ondo' nagibabaang no ra sukub Kuno. Nambantu' Aku motogom rirun am nambaal Aku ra nabantuan paguatan rirun maa' raginio okou masauk ra Aku tatangan.” Koon raginio noyo ragu ru Tuhan Raja'.

YEHEZKIEL 16:8 ပူးပေါင်းရင်းမြစ်များ

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JISAYA 43:4

Pataakon Ku ngaangai' bansa' koson suali ru painawo mino, sabap ra akau mologo ra guang Kuno, am sabap ra Aku monogom am niayuk mampagagaya' ramuyun.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

YEHEZKIEL 16:6

“Kopongo raginio nansail Aku am nakakito rirun nambilor ralalom ru raraa' muno galama', kaa' kalo pinoloso Tokou matoi.

GOSIA 11:1

Indagu Tuhan, “Motogom Aku ri Israil intor ra io lakat poyo boborok; Piawon Ku anak Kuno mingkual intor ra Misir.

GOSIA 2:15

Sabiton no boo Aku ra ralaki nano, am sala' ka boo Baal nano.

GOSIA 2:7

Kalo mangiou io ra Aku ondo' nangani' riso ra gandum, wain, umau jaitun am ngaangai' mas am pirok ondo' pinakai koson sumamba ra Baal.

MALIAKI 1:2

Indagu Tuhan ra ulun Nano, “Magail Aku motogom ramuyun.” Kaa' taam ilo, “Ati kulaan Tuhan motogom ramon?” Taam Tuhan, “I Isau am i Jakub magaka'; motogom Aku ri Jakub am niayuk papag nano,

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

RUT 3:9

“Osoi kou?” kuot ri Boas. “Aku i Rut, tuan,” taam nano. “Kasaga' no mamingkal ra sukub koson mangampin raki'; kasaga' no manangandu' raki'. Sabap okou no pabukat mamaar ramon, okou noyo napalansanan ra bayag kuno.”

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.