YEHEZKIEL 16:57 - Tanou Moonsoi Timugon

⁵⁷ am kalaatan muno kalo poyo nakatabual? Raino nogondo' kou koson riso; nasauk kou ra kukuritin ru ulun ru Idom, Palistin, am pagun-pagun ra mamaar ondo' masisang rirun.

YEHEZKIEL 16:57 ပူးပေါင်းရင်းမြစ်များ

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

JISAYA 14:28

Gitio noyo tanou ondo' pinabala' bulintok ra bilor pinatayan ru Raja' Agas.

JISAYA 7:1

Raja' Agas ioginio buayoi ri Raja' Jotam am akupu ri Raja' Ujia. Bulintok ra Raja' Agas namarinta ra Jiuda, nasauk noyo pangayawan. Raja' Rijin, raja' ru pagun Siria, am Raja' Pika anak ri Rimalia, ioginio raja' ru Israil, namulunsar ra Jirusalim kaa' kolondo' ampos nilo mangala ra bandar no.

JIRIMIA 33:24

“Nakapandai kou kia ra inimpayan Ku Israil am Jiuda, ruo sasambaloi ondo' pinili' Kuno? Ulun magasab ra ulun Kuno am kalo boo mangkara' risilo koson ra rondo' bansa'.

SULABOI 4:22

Inukum noyo Sion sabap ra tula nano; raino Tuhan kalo boo mompoloso ramon mayan giu' ra intok pamatiran. Kaa' okou, Idom, ukumin ru Tuhan; tula-tula muno patalangon.

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

YEHEZKIEL 16:56

Sala' ka kia igondo' kou pakakurit ra Sodom paat ra okou lakat poyo malilimbau ragili,

YEHEZKIEL 21:24

Aku, Tuhan Raja' minindagu risilo, ‘Tula min napandayan noyo ru ulun. Ngaangai' ulun nakapandai ra mapara' gayo ru tula min. Tula min makito ralalom ru moonong baalon min. Raino nasaboi paat ra akau ukumin am pataakon kau ra pantula'.

YEHEZKIEL 22:4

Makasala kau sabap nambaal noyo ra pampatayan, am jinamalan kau ru sinungkalalaing ondo' binaal mino. Ukuman pupus ra tayar min mamaar noyo. Polosoon Ku bansa'-bansa' am ngaangai' pagun mangingiis am manuyu' ramuyun.

YEHEZKIEL 23:32

Indagu Tuhan Raja', “Musiti' kou manginum intor ra sangkir ru maayo muno, sangkir ondo' maayo am malandom. Paat ra okou manginum intor ra sangkir ondo' nototop no, iison kou am asabin ru ngaangai' ulun.

YEHEZKIEL 27:16

Ulun ru Siria nambali ra kuliamos muno am nambayar ra batu jamrud, konoon matanggilung, konoon mokoondo' ra sulam, konoon linon malilis, batu karang am batu dalima'.

YEHEZKIEL 5:14

Moonong ulun intor ra pagun-pagun ra paginggaar ondo' mansail rirun magasab am minggalur rirun.

YEHEZKIEL 5:15

“Paat ra Aku sumangit am lumasu' guang, ukumin Tokou, saboi ra ngaangai' bansa' ra liput muno malaa'. Magasab am mangiis ilo rirun.

GOSIA 2:10

Langgain Ku ngaangai' pangiantakan nano – ondo' kia pangiantakan kabilaran am poyo pangiantakan kasilaan am orou Sabat – ngaangai' pangiantakan ru ugama nano.

GOSIA 7:1

Indagu Tuhan, “Pogonong ra Aku mamabas ra ulun Kuno Israil am mamuna' ra baal nilo, makito Ku ayuk kalaatan-kalaatan ondo' binaal nilo. Mamparuung ilo ra rondo' am bokon, sumubol ra baloi ru ulun koson mantakou, am mantakou ilo ra ulun giu' ra ralan-ralan.

JIPANYA 3:19

Masaboi paat no; ukumin Ku ulun nangimbolo' ramuyun. Bayagon Ku ulun kimpo', am ibiton muli' ulun ondo' pinatiran. Mangkinibit Aku ra ulun mangurumat risilo, saboi giu' ra titikop ru tana', kalo boo asabin ilo.

UNTABAN 23:7

I Biliam pana mindagu ra ragu inala' ragitio, “Raja' Balak, manguasa' ru Moab nagibit noyo raki' intor ra Siria, intor ra kagunungan giu' ra sirangon. Kono, ‘Ibok no, indagu no ra tayar kuno, ulaso' noyo ulun ru Israil.’

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.