YEHEZKIEL 16:53 - Tanou Moonsoi Timugon

⁵³ Indagu Tuhan ra Jirusalim, “Patapulion Ku kalangkayaan ru Sodom am pekan-pekan ra mamaar riso; koon niayuk ra Samaria am niayuk pekan-pekan ra mamaar riso. Okou pana saukon Ku ra langkaya'.

YEHEZKIEL 16:53 ပူးပေါင်းရင်းမြစ်များ

AYUP 42:10

Kopongo raginio, kopongo i Ayup nakiasi' ra tayar ru katalu-talu ngaulun rangan nano, pinasauk ru Tuhan i Ayup ra langkaya' saguli', am nangani' riso ra induo ruli' intor ra linonggom no ragili.

MAZMUR 126:1

Rimbai ru ratangan. Bulintok ra Tuhan magibit ritakau sumaguli' ra Jirusalim, koson ayuk ra nagupi takau!

MAZMUR 14:7

Gama' ru pamayagan ra Israil matong intor ra Sion! Amon saukon ru Tuhan ulun Nano ra langkaya' saguli', ngaangai' ru ulun ru Israil maantak guang.

MAZMUR 85:1

Ra tingganai ru santimungan maririmbai. Mazmur ru bansa' ri Kora.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 46:27

“Pai' kalaa', akau ulun Kuno, pai' ponontol, ulun kau ru Israil. Mamayag Aku ramuyun intor ra pagun ondo' maalur, intor ra pagun intok min rinakop. Muli' kau am mayan ra pagun min ra kaansayan; maayag kau ra moonsoi; kolondo' osoi pana mampakalalaa' ramuyun.

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

JIRIMIA 49:6

Kaa' paat ra orou tauli no, saukon Ku Amon ra langkaya' saguli'. Aku, Tuhan nakaindagu noyo.”

YEHEZKIEL 16:52

Raino nansaan kou kalalaat ra uyu'. Maayo poyo tula muno ka tula ru pabukat-pabukat muno. Ilain ayuk koson ilo kolondo' sala amon ru pogondoon rirun. Musiti' kou mauyu' am mansaan ra uyu', sabap ra pabukat-pabukat muno ilain mapasau.”

YEHEZKIEL 16:54

Mauyu' kou ra inan muno galama'. Sabap ra baal muno ondo' makauyuyu' no, pabukat-pabukat muno makaliman ra mapara' bonsoi ru baal nilo.

YEHEZKIEL 26:6

am ra manangilang, mamatoi ilo ra mamagun giu' ra bandar-bandar giu' ra tana' marata' ru Tirus. Makapandai boo Tirus ra Aku noyo Tuhan.”

YEHEZKIEL 29:14

Polosoon Ku ilo mayan giu' ra tampilon rabugus ru Misir, pagun intor nilo. Mayan ilo ra giu' am manirong rondo' pamarintaan ondo' malawo,

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

JOIL 3:1

Indagu Tuhan, “Paat raginio patapulion Ku kalangkayaan ru Jiuda am Jirusalim.