YEHEZKIEL 16:36 - Tanou Moonsoi Timugon

³⁶ Koon raginio noyo ragu ru Tuhan Raja', “Inalus mu bayang, am koson ra ruandu' mantalan ra inan pinataak mu inan ra kubayau-kubayau muno am ngaangai' sinungkalalaing muno ondo' makauyuyu' no. Namatoi kou ra anak muno am nampataak risilo koson ra taak simbalui ra sinungkalalaing.

YEHEZKIEL 16:36 ပူးပေါင်းရင်းမြစ်များ

YEHEZKIEL 23:10

Linabasan nilo io, nampagaau ra anak ungkuyon am anak ruandu' nano, am namatoi riso ra ilang. Inggalan nano susunuron ru ruandu'-ruandu' giu' ra ati ayuk intok.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

JIPANYA 3:1

Aibui boo ra Jirusalim, bandar malaat ondo' masaga' gumuor ra Tuhan am ondo' mangimbolo' ra mamagun nano galama'.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 23:29

Sabap ra ilo pana masisang rirun, gaawon nilo ngaangai' ampos ru kandoi muno, am mompoloso rirun magibaang koson ra ruandu' mantalan ra inan. Guang malaai am kandoi mantalan ra inan muno

YEHEZKIEL 23:18

Nampakito io ra inan nano ondo' nagibaang ra ulun masuang saboi ngaangai' ulun nakapandai ra io sangulun mantalan ra inan. Nasuraan Aku riso, koson ra Aku nasuraan ra maayo nano.

YEHEZKIEL 23:8

Nararayus io mantalan ra inan koson ondo' binaal nano ragili giu' ra Misir, intok nairuan ru ralaa nano. Intor ra io mamulok, ungkuyon narulug riso am pinamakuan riso koson ra ruandu' mantalan ra inan.

YEHEZKIEL 22:15

Pantutuliaron Ku mamagun muno ra ngaangai' pagun am bansa'. Langgain Ku binaal muno ra malaat no.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

JIRIMIA 19:5

Binaalan nilo i Baal ra altar maa' raginio makapampataak ilo ra anak-anak nilo koson ra taak simbalui ondo' solobon. Kaa' kalo igondo' Aku panusub risilo mambaal raginio, am poyo kalo igondo' baal raginio soroi ra pangkaraan Kuno.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

KASAUKAN 3:7

Pakaakan ilo ra kawa' no, pangkaraan nilo naukab am nalimanan nilo ra nagibabaang ilo. Ginio ra pampikit ilo ra raun ru ara am taubi' nilo inan nilono.

YEHEZKIEL 16:35

Okou Jirusalim, mantalan kou ra inan! Rongogo' noyo ragu ru Tuhan.

YEHEZKIEL 16:57

am kalaatan muno kalo poyo nakatabual? Raino nogondo' kou koson riso; nasauk kou ra kukuritin ru ulun ru Idom, Palistin, am pagun-pagun ra mamaar ondo' masisang rirun.

YEHEZKIEL 20:31

Nakasaboi pinaibo ra orou raiti' nangani' kau ra taak ra mogondo', am nampajamol ra inan ra nonolob ra anak-anak min koson ra taak simbalui ra sinungkalalaing no. Akau piboo, alii ra ulun kau ngai' ru Israil, minatong piboo koson mangkuot ra kasagaan Kuno! Sabap ra Aku, i Aki Kapuuno' ondo' naayag, Tuhan Raja', kalo mangiou Aku ramuyun mangkuot ra atan ayuk.

YEHEZKIEL 23:37

Nansawa' ilo am namatoi ra ulun. Nansawa' ilo ra sinungkalalaing am namatoi ra anak-anak Kuno ondo' inanak nilo. Pinataak nilo anak-anak Kuno koson ra taak simbalui ra sinungkalalaing nilo.

YEHEZKIEL 36:18

Polosoon Ku ilo makaliman ra ngaangai' sangit Kuno sabap ra nambaal ilo ra masuang namatayan giu' ra pagun no, am jinamol ginio ra sinungkalalaing nilo.