YEHEZKIEL 16:30 - Tanou Moonsoi Timugon

³⁰ Indagu Tuhan Raja', “Ngaangai' binaal muno koson ra binaal ru sangulun ruandu' mantalan ra inan ondo' kalo mapandai mauyu'.

YEHEZKIEL 16:30 ပူးပေါင်းရင်းမြစ်များ

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

AMSAL 9:13

Sasambungon koson ayuk ra sangulun ruandu' mabaji' ondo' kolondo' katutunan, am kalo mauyu'.

AMSAL 7:21

Ginio noyo pantaligamis ru ruandu' no ra buayoi no saboi nasinggayawan guang ru buayoi no.

YEHEZKIEL 16:29

Okou niayuk nasauk ra ruandu' mantalan ra inan ra ulun ru Babilonia, ulun-ulun mantalan no, kaa' ilo pana kalo nakajala' rirun.”

MAZMUR 78:37

Kalo gumagaya' ilo Riso; kalo ginuut nilo nabantuan nilo ri Aki Kapuuno'.

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

GOSIA 9:1

Akau ulun ru Israil, longgo' kano mangiantak ra pangiantakan koson ra bansa'-bansa' ra bokon. Iniruanan min noyo i Aki Kapuuno' min am kalo giminagaya' Riso. Giu' ra moonong intok pangagikan ra gandum, tinalan min inan koson ra ulun mantalan ra inan ra Dewa Baal. Masaga' kau mangapu ra gandum ondo' karaan min koson ra gaji' ru dewa no ramuyun.