YEHEZKIEL 16:26 - Tanou Moonsoi Timugon

²⁶ Nantalan kou ra inan ra paginggaar muno ulun ru Misir ondo' masasawo no. Nantalan kou ra inan koson mampasangit Raki'.

YEHEZKIEL 16:26 ပူးပေါင်းရင်းမြစ်များ

YEHEZKIEL 23:8

Nararayus io mantalan ra inan koson ondo' binaal nano ragili giu' ra Misir, intok nairuan ru ralaa nano. Intor ra io mamulok, ungkuyon narulug riso am pinamakuan riso koson ra ruandu' mantalan ra inan.

YEHEZKIEL 23:3

Paat ra lakat poyo mamulok, minayan ilo giu' ra Misir. Giu' no nairu' ralaa nilo am nasauk ra ruandu' mantalan ra inan.

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

YEHEZKIEL 8:14

Io pana nagibit boo raki' giu' ra kulobon garabang ralayo ra Baloi ru Tuhan. Giu' no pinakito No aku ra ruandu'-ruandu' tatanga' mantangi' ra pinatayan ru Dewa Tamus.

YEHEZKIEL 8:10

Aku pana siminubol am nagilong. Rinding ra giu' no linukisan ra ngaangai' salinut ru bibiag mamuntana' am bibiag majamol ra bokon, am niayuk gambar ru sinungkalalaing ondo' sambaan ru ulun ru Israil.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

KAINGKUALAN 32:4

Alapo' ri Arun anting-anting no, luwo' ngaangai' no am pasasaro' mas no ralalom acuan, am pambaal rondo' sinungkalalaing ru sapi' gawayan. Indagu ulun raginilo, “Israil, gitio noyo tuhan takau ondo' nagibit ritakau miningkual intor ra Misir!”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

IMAMAT 15:3

timug ondo' tumilis kapoam moorot, majamol ulun no.

1 RAJA'-RAJA' 12:28

Kopongo ra nabuoi nangkara', Raja' Jirobiam nambaal ruo sinungkalalaing sapi' gawayan intor ra mas am indagu ra mamagun nano, “Sama' noyo buoi min minongoi sambayang giu' ra Jirusalim. Raino, akau Israil, gitio noyo tuhan-tuhan min ondo' nagibit ramuyun miningkual intor ra Misir!”