YEHEZKIEL 16:13 - Tanou Moonsoi Timugon

¹³ Limpor muno binaal intor ra mas am pirok, am bayang muno binaal intor ra linon, sutera am konoon mokoondo' ra sulam. Nangakan kou ra ruti' ondo' binaal intor ra gandum moonsoi kaga', naratok ra ruu' ru maningot am umau jaitun. Kinantalur muno suai toojo, saboi kou nasauk ra ruandu' mapasau.

YEHEZKIEL 16:13 ပူးပေါင်းရင်းမြစ်များ

KASAUKAN 17:6

Aku pana manaak rirun ra masuang papag am mokoondo' intor risilo no masauk ra raja'. Okou makapapag ra masuang toojo saboi ilo ti masauk ra bansa'-bansa'.

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 4:21

Pamarintaan ru Raja' Salomo nakasimpung ngaangai' pagun intor ra Sungoi Iprat saboi ra Palistin am balitan ru pagun ru Misir. Panguasa' ru pagun-pagun no mambayar ra upiti ra Raja' Salomo, am ilo ti kinuasa' no ra buoi ru bayag nano.

IJRA 4:20

Raja'-raja' ondo' mapanggol namarinta noyo ra giu' am giu' ra titikop ru wilayah Iprat Kalasaan, am niayuk nampalulur ra cukai am tangguang.

IJRA 5:11

“Taam ilo, ‘Akai ti ulipon ri Aki Kapuuno' panguasa' ru tana' ti am limbowon. Nambaal akai saguli' ra Baloi ru Tuhan ondo' binaal am inukapan ra kaapar-aparan ra bilor ragili ru sangulun raja' ru Israil ondo' matulai.

AYUP 29:6

Bibiag tinambiag kuno manangampos ra masuang gatas, am puun ru jaitun tumuu' kabalu' pana giu' ra tana' kabatuan.

MAZMUR 147:14

Magalung Io ra kaansayan ru pagun muno am basugon kou ra gandum ra moonsoi kaga'.

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 81:16

Kukumin Ku ulun masisang Raki'; am ukumin ilo ra sabuoi-buoi no.

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

JIRIMIA 13:20

Alii ra Jirusalim, ilai' ga! Pantula' muno tatanga' matong intor ra ralayo! Ati kia ulun ondo' musiti' min sindungin, ulun ondo' kalimbawan min kaga' no?

SULABOI 2:15

Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”

YEHEZKIEL 16:10

Pinambayang Tokou ra bayang mokoondo' ra sulam, kasut kungkung ondo' moonsoi kaga', sigal ru ulu intor ra konoon linon am sukub sutera.

YEHEZKIEL 16:17

Namakai kou ra mas am pirok ondo' pinataakan Kuno koson mambaal ra sinungkalalaing ru ungkuyon, am nansawa' kou ra sinungkalalaing no.

YEHEZKIEL 16:19

Inanian Tokou ra akanon moonsoi kaga', iono gandum, umau jaitun am ruu' ru maningot, kaa' ngaangai' no sinauk mu koson ra taak simbalui koson mapabansuk ra guang ru sinungkalalaing. Aku, Tuhan Raja' nakaindagu noyo.

YEHEZKIEL 23:40

“Ilo pinai boo nangator ra ulun sinusub koson mangkimait ra ungkuyon intor ra intok maalur. Makaratong boo ungkuyon-ungkuyon, ruo ngaulun magaka' no mariu', kaitomon mato am malimpor.

YEHEZKIEL 27:16

Ulun ru Siria nambali ra kuliamos muno am nambayar ra batu jamrud, konoon matanggilung, konoon mokoondo' ra sulam, konoon linon malilis, batu karang am batu dalima'.

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

SAGULION 8:8

tana' ondo' manangampos ra gandum am barli, kawa' ru anggur, kawa' ru ara, kawa' ru dalima', kawa' ru jaitun am ruu' ru maningot.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 12:12

Kaa' paat ra akau nakapandai ra Raja' Nagas intor ra Amon no masaga' mamulunsar ramuyun, inimpayan min Tuhan koson ra raja' min. Minindagu kau raki', ‘Masaga' akai ra sangulun raja' koson mamarinta ramon.’