YEHEZKIEL 16:11 - Tanou Moonsoi Timugon

¹¹ Pinonggolong am sinisigot Tokou.

YEHEZKIEL 16:11 ပူးပေါင်းရင်းမြစ်များ

KASAUKAN 24:22

Kopongo ru ralaa no kandoi nano, alapo' ru ulipon no sinsing mas ru arung ra mologo am pasinsingo' no ra arung ru ralaa no. Pogolongo' no ruo golong mas ra kalindu' ru ralaa no.

KASAUKAN 24:47

Pangkuot aku boo riso, ‘Osoi kia ama' muno?’ Taam io, ‘Ama' kuno i Bituil, anak io ri Nagor am i Milka.’ Pasinsingo' ku boo sinsing ra arung nano am pogolongo' ku ruo golong ra kalindu' nano.

KASAUKAN 24:53

Paingkualo' no boo bayang, limpor ru mas am pirok. Pataako' no ngaangai' ri Ribika. Nangani' io niayuk ra taak ondo' mongologo ra maayo ungkuyon am ina' ri Ribika.

KASAUKAN 35:4

Pataako' nilo boo ngaangai' sinungkalalaing no ri Jakub am pinaaya' niayuk pataako' anting-anting nilono. Lobongo' ri Jakub ngaangai' kuliamos no ragana' ru puun tataun makalu maar ra Sikgim.

KASAUKAN 41:42

Paguso' ru raja' sinsing intor ra bubua' ru kalindu' nano, ondo' tinatanduan ra kuasa' ru raja' ru Misir, am pasinsingo' ra bubua' ru kalindu' ri Jusup. Pambayango' no i Jusup ra sukub binaal intor ra linon am pansisigoto' no ra sisigot mas.

ESTER 2:17

Napabansuk i Ester ra guang am napakaansuk ra raja' nasailan intor ra ngaangai' ralaa ra bokon. Ginio ra io noyo ondo' kalaayan toojo ru raja'. Pinakaraun ru raja' karaun ru pamarintaan ra ulu ri Ester am nampasauk riso ra andu' raja' koson namalit ri Wasti.

AYUP 42:11

Ngaangai' pabukat ra ungkuyon am ruandu' ri Ayup, am niayuk ngaangai' rangan nakaulig riso ondo' nakalair minatong pagilong riso am nagagakan nababaya' ri Ayup giu' ra baloi nano. Ilo niayuk minaya' nangiluk guang ri Ayup sabap ra ngaangai' kapaganan ondo' pinaratong ru Tuhan riso, am nanimayo ilo riso. Moonong ulun intor risilo nangani' riso ra sampila' ruit pirok am rondo' sinsing mas.

KAINGKUALAN 32:2

Indagu i Arun risilo, “Paguso' anting-anting mas ondo' inanting ru andu', anak ungkuyon am anak ruandu' min, am ibito' ngaangai' no raki'.”

KAINGKUALAN 35:22

Moonong ulun ondo' masaga' mangani' ra taak, iou ra ungkuyon am niayuk ruandu', matong magibit ra kerongsang, anting-anting, sinsing, sisigot am ngaangai' salinut ru kuliamos intor ra mas am patimpokon boo ngaangai' no ra Tuhan.

AMSAL 1:9

sabap ra pangilaan nilono mamparuang ra kaansayan muno koson ra sapak ru ulu am sisigot koson mamparuang ra kinantalur muno.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 4:9

Kapintaran manaak ra karaun koson pasampakon rirun.”

RIMBAI PANGAMPARAN 1:10

Pingas muno nautil-util ra binadakan, liog muno murarak ayuk ondo' ginalungan ra sisigot parmata.

RIMBAI PANGAMPARAN 4:9

Okou ambai am uoton kuno, Mato am sisigot muno nakabunduk ra guang kuno.

JISAYA 28:5

Masuku' niayuk bulintok paat ra Tuhan Ondo' Maayo Kaga' Kuasa' masauk koson ra sampungu bunga' ondo' maantak ra ilo ondo' naayag.

JISAYA 3:19

golong ru longon, rundung,

JISAYA 3:21

sinsing am niayuk anting-anting ru arung,

SULABOI 5:16

Baal ra kaantakan ru guang mai kalio noyo. Raino ukumin akai sabap makatula.

YEHEZKIEL 16:17

Namakai kou ra mas am pirok ondo' pinataakan Kuno koson mambaal ra sinungkalalaing ru ungkuyon, am nansawa' kou ra sinungkalalaing no.

YEHEZKIEL 23:40

“Ilo pinai boo nangator ra ulun sinusub koson mangkimait ra ungkuyon intor ra intok maalur. Makaratong boo ungkuyon-ungkuyon, ruo ngaulun magaka' no mariu', kaitomon mato am malimpor.

YEHEZKIEL 23:42

Ungkuyon ondo' kinimaitan intor ra tana' kaagisan natimung ra giu' no am morongog bolos nilo ra maansukan. Pinonggolong nilo kalindu' ru magaka' no, am pinangkaraun ondo' moonsoi ra ulu nilo.

DANIL 5:16

Nokorongog aku ra okou makapambala' ra arati' ru ondo' noopot-noopot ondo' malandom am nakasibuni. Amon ru maalap mu kabasa' am pakabala' arati' ru tulisan no, aniin kou ra bayang ru raja', iono sukub matanggilung am sisigot mas tatandu' maayo, am pasaukon kou ra panguasa' katalu ralalom ru pamarintaan ti.”

DANIL 5:29

Paat raginio niayuk Raja' Bilsyajar nanusub ra ulipon-ulipon nano nampabayang ra bayang ru raja', iono sukub matanggilung ri Danil, am sisigot mas tatandu' maayo pinasisigot ra liog nano. Pinasauk io ru raja' ra panguasa' katalu ralalom ru pamarintaan no.

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

IMAMAT 8:9

Pasampako' ri Musa serban ra ulu ri Arun, am tampilon ra saang ru serban no patakino' ri Musa limpor mas koson tatandu' patimpokon, koson ra nanusuban ru Tuhan.

UNTABAN 31:50

Ginio ra nagibit akai ra kuliamos limpor ru mas, golong kalindu', golong kalayam, sinsing, anting-anting am sisigot ondo' sigagama' mai nangalap. Raino pataakon mai ngaangai' ti ra Tuhan koson ra taak mai, maa' raginio magulayun io manindung ramon.”

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.

TINGGANAI RU BANSA' 8:24

Kaa' indagu poyo i Gidion, “Rondo' ayuk kitaakon kuno. Musiti' min pataakin raki' anting-anting ondo' ginaau min intor ra pantula'.” (Ulun ru Midian koson ra bansa'-bansa' ra bokon ondo' minayan ra tana' kaagisan, ngaangai' makaanting-anting mas.)