YEHEZKIEL 16:10 - Tanou Moonsoi Timugon

¹⁰ Pinambayang Tokou ra bayang mokoondo' ra sulam, kasut kungkung ondo' moonsoi kaga', sigal ru ulu intor ra konoon linon am sukub sutera.

YEHEZKIEL 16:10 ပူးပေါင်းရင်းမြစ်များ

KASAUKAN 41:42

Paguso' ru raja' sinsing intor ra bubua' ru kalindu' nano, ondo' tinatanduan ra kuasa' ru raja' ru Misir, am pasinsingo' ra bubua' ru kalindu' ri Jusup. Pambayango' no i Jusup ra sukub binaal intor ra linon am pansisigoto' no ra sisigot mas.

MAZMUR 45:15

Anak ralaa ru raja' pinambayang ra manguliat inibit paumaan ra raja', binaya' ru ralaa-ralaa ayuk poyo kaga', am niayuk inibit paumaan ra raja'.

KAINGKUALAN 25:5

kungkung ru domba gawayan ondo' kinalia'; kungkung malumis; tataun akasia;

KAINGKUALAN 26:14

“Baalo' ruo panaub ra bokon ra taap ru Kim; rondo' intor ra kungkung ru domba gawayan ondo' kaliaan, am rondo' poyo intor ra kungkung molomos koson ra panaub tampilon ra liwar.

KAINGKUALAN 26:36

“Kulobon umpasan ra ralalom, pambaal ra tabir intor ra konoon linon molomos ondo' binaal intor ra konoon bulu makabatik motomou, matanggilung am malia' ondo' binungaan ra sulaman.

KAINGKUALAN 28:5

Musiti' ulun mambaal ra ngaangai' no mamakai ra konoon bulu makabatik motomou, matanggilung am malia', banang mas am niayuk konoon linon molomos.

AMSAL 31:22

Mambaal io ra permaidani am bayangon nano binaal intor ra linon matanggilung ondo' mologo.

JISAYA 3:23

bayang magasil, parasa' linon, sapak, am sakiking maawar.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

YEHEZKIEL 16:13

Limpor muno binaal intor ra mas am pirok, am bayang muno binaal intor ra linon, sutera am konoon mokoondo' ra sulam. Nangakan kou ra ruti' ondo' binaal intor ra gandum moonsoi kaga', naratok ra ruu' ru maningot am umau jaitun. Kinantalur muno suai toojo, saboi kou nasauk ra ruandu' mapasau.

YEHEZKIEL 16:18

Inalap mu bayang-bayang mokoondo' ra sulam ondo' pinataakan Kuno rirun am pinabayangan mu ginio ra sinungkalalaing. Sinungkalalaing no nampataakan muno ra umau jaitun am kaminyan ondo' inapu muno intor Raki'.

YEHEZKIEL 16:7

Inalungan Tokou saboi kou nasukor koson ra tinanom ondo' malabung. Moonsoi tuu' muno am masawat, am nasauk ra ruandu' mamulok. Titi' muno moonsoi am abuk muno timinuu' noyo, kaa' okou lakat poyo nagibabaang.

YEHEZKIEL 26:16

Ngaangai' raja' ru bansa'-bansa' giu' ra kiing ru nagas tumuun intor ra kurisi' turungan nilo. Aluson nilo sukub am bayang mokoondo' ra sulam am manturung ra monontol giu' ra tana'. Malaa' ilo kaga' magilong ra pupus muno saboi kalo lumonggo' ilo monontol.

YEHEZKIEL 27:16

Ulun ru Siria nambali ra kuliamos muno am nambayar ra batu jamrud, konoon matanggilung, konoon mokoondo' ra sulam, konoon linon malilis, batu karang am batu dalima'.

YEHEZKIEL 27:7

Konoon layar ondo' nasauk ra tatandu' muno binaal intor ra linon binaal ra Misir, am mansalinut sulaman. Konoon ru kim muno binaal intor ra konoon malilis, konoon ondo' batik nano matanggilung intor ra Siprus.

LUKAS 15:22

Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

PINAINTALANG 18:12

Kolondo' boo mambali ra mas, pirok, parmata am sisigot mutiara nilono; niayuk konoon linon, konoon matanggilung, sutra' am konoon kasumba'; ngaangai' bansa' ru tataun maamis owou, kuliamos binaal intor ra ripon ru gaja am intor ra tataun ondo' mongologo; kuliamos binaal intor ra gangsa', basi' am pualam;

PINAINTALANG 19:8

Pinataak noyo riso ra bayang linon ondo' manguliat.” (Bayang linon no ioginio baal moonsoi ru ulun ri Aki Kapuuno'.)

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.