YEHEZKIEL 15:7 - Tanou Moonsoi Timugon

⁷ am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo Tuhan.

YEHEZKIEL 15:7 ပူးပေါင်းရင်းမြစ်များ

1 RAJA'-RAJA' 19:17

Osoi ondo' makapagiru' intor ra ilang ri Gajail potoyon ri Jigu, am osoi ondo' mailiwan ru ilang ri Jigu potoyon ri Ilisa.

MAZMUR 34:16

Indukuin ru Tuhan ulun ra motopot, am mangkirongog ra pantangian nilo;

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

YEHEZKIEL 11:10

matoi kau ra potoyon ralalom ru pangayawan giu' ra pagun min galama'. Bagu no moonong ulun makapandai ra Aku noyo Tuhan.

YEHEZKIEL 14:8

Anggalon Ku io, am saukon io koson ra pampakaraan. Patirin Ku io intor ra gino ngai' ru ulun Kuno, maa' raginio makapandai kau ra Aku noyo Tuhan.

YEHEZKIEL 15:6

Gitio noyo ragu ru Tuhan Raja', “Koson ra bulisang ru puun ru anggur inalap intor ra kataunan am sinolob, koon niayuk ra pamakuan Kuno ra mamagun ru Jirusalim,

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

YEHEZKIEL 20:42

Paat ra akau ibiton Ku muli' ra pagun ru Israil, tana' ondo' binantu' Kuno ra kinamatuaan min, bagu no makapandai kau ra Aku noyo Tuhan.

YEHEZKIEL 20:44

Paat ra Aku mimbuor koson magalung ra kinoonsoi ru inggalan Kuno, akau ulun ru Israil makapandai ra Aku noyo Tuhan, sabap ra pamakuan Kuno ramuyun nogondo' koson ra binaal mino ondo' mapuka' am malaat.” Tuhan Raja' nakaindagu noyo.

YEHEZKIEL 33:29

Paat ra Aku mangukum ra ulun no sabap ra tula nilo, am mampasauk ra pagun no kolondo' tutuu' am masiluk, bagu no makapandai ilo ra Aku noyo Tuhan.”

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

YEHEZKIEL 6:7

Ulun ondo' potoyon giu' ra ati pana intok, am ilo ondo' maayag mangiou ra Aku noyo Tuhan.

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!