YEHEZKIEL 15:2 - Tanou Moonsoi Timugon

² “Okou ulun mapandai matoi, atan kia nansala' ra puun ru anggur am puun tataun ra bokon? Atan kia onong ru bulisang ru puun ru anggur amon ru pinogondo' ra puun tataun giu' ra kataunan?

YEHEZKIEL 15:2 ပူးပေါင်းရင်းမြစ်များ

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

RIMBAI PANGAMPARAN 7:12

Kumarat to ra kalo poyo makatampak mato ru orou am magilong ra puun ru anggur nakatuu' noyo kia kapoam busak nano nakaungkalar noyo kia, kapoam puun dalima' nambusak noyo kia. Ra giu' no pataakon ku togom kuno rirun.

RIMBAI PANGAMPARAN 6:11

Matong aku ra umo ru badam magilong ra samul ru tatanom ra limayak, tawa puun ru anggur manalantar noyo kinua', am puun ru dalima' mambusak noyo kinua'.

RIMBAI PANGAMPARAN 2:15

Rokopo' noyo rubah-rubah ondo' boborok no, rubah-rubah ondo' manginjang ra umo ru anggur, sabap ra puun ru anggur takano mambubusak.

JAKARIA 11:2

Okou puun ru sipris, pantangi' no am panulaboi no, sabap ra puun ru sidar naratu' noyo; puun-puun tataun ondo' maayo napuso noyo. Akau puun-puun ru oak giu' ra Basan, pantangi' no am panulaboi no, sabap ra kataunan makapal tinagar noyo.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

RIMBAI PANGAMPARAN 2:13

Kawa' ru nunuk tumalimpuun maansak; puun ru anggur manambusak am maamis owou nano. Ibok no, alii ra kalumpusan kuno, ibok no, alii ra malinus kuno, ibok no.

YEHEZKIEL 15:1

Indagu Tuhan raki',

YEHEZKIEL 15:3

Mokoonong kia bulisang ru puun ru anggur no koson mambaal ra atan-atan? Maalap kia kabaal bulisang no ra paku' papasangutan ra kuliamos?

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.