YEHEZKIEL 14:9 - Tanou Moonsoi Timugon

⁹ “Amon ru sangulun nabi ruungon saboi mindagu ra ondo' kalo motopot, Aku, Tuhan ondo' namparuung riso. Patirin Ku io intor ra ulun Kuno Israil.

YEHEZKIEL 14:9 ပူးပေါင်းရင်းမြစ်များ

YEHEZKIEL 20:25

“Kopongo raginio inanian Ku ilo ra ukum ondo' kalo moonsoi am susuban ondo' kalo mangani' ra kaayagan.

JIRIMIA 4:10

Kopongo raginio indagu aku, “Iou Tuhan Raja', totopot Kou namparuung ra mamagun ru Jirusalim! Minindagu Kou ra mokoondo' kaansayan, kaa' raino painawo nilono mololob.”

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

JIRIMIA 14:15

Nabi-nabi minindagu ralalom inggalan Kuno ra pagun ti kalo malumpa' ru pangayawan kapoam bitilan, sotopot no kalo nanusub Aku risilo mindagu raginio. Aku, Tuhan nambala' rirun, atan ondo' baalon Kuno ra nabi-nabi no. Potoyon Ku ilo ra pangayawan am bitilan.

JISAYA 66:4

Ginio ra palumpaan Ku karaat no risilo, ioginio karaat ra kalaanin nilo. Baal raginio masauk sabap ra bulintok ra Aku mampiau, kolondo' sangulun pana tumaam, am bulintok ra Aku mindagu, kolondo' sangulun pana mangkirongog. Masaga' ilo manggal Raki' am mambaal ra malaat.”

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

AYUP 12:16

I Aki Kapuuno' maikang am masalok makasugut; ulun mamparuung am ulun ondo' rinuung soroi ra ralalom ru kuasa' Nano.

2 TUNUNG RU BANSA' ISRAIL 18:22

Kon poyo ri Mika, “Gitio noyo ondo' nasauk. Nangkinibit Tuhan ra nabi-nabi muno nagabau rirun. Kaa' Tuhan galama' nangaru' noyo ra malumpa' kou ru karaat.”

JIRIMIA 6:14

Karaan nilo pilat-pilat ru ulun Kuno koson ra pilat boborok ayuk. Konilo, ‘Ngaangai' no moonsoi am mamaa'.’ Kaa' sotopot no kalo toojo moonsoi am kalo mamaa'.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

YEHEZKIEL 14:10

Nabi no pana galama', am niayuk ulun ondo' makibilin riso mangapu ra ukuman ra nogondo'.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

JAKARIA 13:3

Kopongo raginio osoi ayuk ondo' lakat poyo masaga' mindagu ra manala', matuo nano galama' mambala' riso ra musiti' io ukumin ra matoi, sabap ra mangiou nampasaboi ra tanou ru Tuhan, kaa' sotopot no nagabau io. Paat ra io mindagu ra manala', matuo nano galama' monobok riso saboi matoi.

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’