YEHEZKIEL 14:6 - Tanou Moonsoi Timugon

⁶ “Ginio ra balai' ulun ru Israil ra Aku, Tuhan Raja' mindagu, ‘Talikur kano intor ra tula, am iruani' noyo sinungkalalaing mino ondo' makauyuyu' no.’

YEHEZKIEL 14:6 ပူးပေါင်းရင်းမြစ်များ

2 TUNUNG RU BANSA' ISRAIL 29:6

Kinamatuaan takali kalo giminagaya' ra Tuhan, i Aki Kapuuno' takau. Binaal nilo atan ondo' kalo kasagain Nano. Inimpayan nilo Io am kalo nampalio ra intok ayanan Nano.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

YEHEZKIEL 14:4

“Balai' ilo ra Aku, Tuhan Raja' mindagu, ‘Ulun ru Israil ondo' mangintopot ra sinungkalalaing saboi naratu' ralalom ru tula, am matong poyo boo makibilin intor ra sangulun nabi, makaapu ra taam intor Raki' – taaman ondo' nogondo' ra tula nilono.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 18:30

“Raino Aku, Tuhan Raja' mambala' ramuyun, ulun kau ru Israil, ra mangakim Aku ra moonong ulun sumugut ra binaal nano. Talikur no intor ra kalaatan ondo' tatanga' min baalon no, am pai' polosoo' tula min mamuso ramuyun.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

YEHEZKIEL 8:6

Indagu i Aki Kapuuno' raki', “Okou ulun mapandai matoi, nakito mu kia atan tatanga' masauk? Ilai' binaal makauyuyu' ondo' binaal ru ulun ru Israil, ondo' napainggalur poyo boo Raki' intor ra intok Kuno ra mapasau. Makakito kou poyo ra baal-baal ondo' makauyuyu' poyo kaga'.”

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”