YEHEZKIEL 14:3 - Tanou Moonsoi Timugon

³ “Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

YEHEZKIEL 14:3 ပူးပေါင်းရင်းမြစ်များ

2 RAJA'-RAJA' 3:13

Indagu i Ilisa ra raja' ru Israil, “Kua musiti' aku mangindangan rirun? Ongoi no pangkuot ra nabi-nabi ru ama' am ina' muno ragili!” Taam Raja' Joram, “Kalo, sabap ra Tuhan no nangatang noyo koson mampataak ramon talu ngaulun ti ra raja' ru Moab.”

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

MAZMUR 66:18

Amon polosoon ku tula ralalom ru guang kutu, maaru' kalo iningon aku ru Tuhan.

AMSAL 15:29

Rongogon ru Tuhan pakiasian ru ulun moonsoi, kaa' kalo lioon No ulun malaat.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

YEHEZKIEL 11:21

Kaa' mangukum Aku ra ulun ondo' masaga' sumamba ra sinungkalalaing ondo' malaat am makauyuyu'. Mangukum Aku risilo sabap ra binaal nilono.” Koon raginio noyo ragu ru Tuhan Raja'.

YEHEZKIEL 14:2

Indagu boo Tuhan raki',

YEHEZKIEL 14:4

“Balai' ilo ra Aku, Tuhan Raja' mindagu, ‘Ulun ru Israil ondo' mangintopot ra sinungkalalaing saboi naratu' ralalom ru tula, am matong poyo boo makibilin intor ra sangulun nabi, makaapu ra taam intor Raki' – taaman ondo' nogondo' ra tula nilono.

YEHEZKIEL 14:7

“Paat ra sangulun Israil kapoam sangulun bansa' ra bokon ondo' minayan ra gino ngai' ru ulun ru Israil, timinalikur intor Raki' am siminamba ra sinungkalalaing, am makibilin boo intor ra sangulun nabi, Aku Tuhan tumaam riso!

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

YEHEZKIEL 20:3

“Okou ulun mapandai matoi, ragui' tingganai-tingganai ragitio. Balai' ilo ra Aku, Tuhan Raja' minindagu koson ragitio: Minatong kau koson mangkuot ra kasagaan Kuno, ka kia? Sabap ra Aku, i Aki Kapuuno' ondo' maayag, kalo mompoloso Aku ramuyun mangkuot ra atan ayuk. Aku, Tuhan Raja' nakaindagu noyo.

YEHEZKIEL 20:31

Nakasaboi pinaibo ra orou raiti' nangani' kau ra taak ra mogondo', am nampajamol ra inan ra nonolob ra anak-anak min koson ra taak simbalui ra sinungkalalaing no. Akau piboo, alii ra ulun kau ngai' ru Israil, minatong piboo koson mangkuot ra kasagaan Kuno! Sabap ra Aku, i Aki Kapuuno' ondo' naayag, Tuhan Raja', kalo mangiou Aku ramuyun mangkuot ra atan ayuk.

YEHEZKIEL 3:20

Amon ru sangulun ondo' moonsoi tumalimpuun mambaal ra malaat, am aku nampauma' riso ra makalalaa', am io pana matoi amon kalo aniin mu io ra pampakaraan. Matoi io sabap ra tula nano, am kalo karaan Ku binaal nali ondo' moonsoi ragili. Kaa' karaan Tokou ra mosonsol ra pinatayan nano.

YEHEZKIEL 33:30

Indagu Tuhan, “Okou ulun mapandai matoi, bansa' muno mansunur rirun paat ilo naguma' mamaar ra timbok ru bandar kapoam giu' ra talupak ru kulobon ru baloi nilo. Ilo galama' nagindagu, ‘Ibok rongog takau ra atan ragu ru Tuhan ra orou raiti'.’

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 44:12

Kaa', sabap ra nambaal ilo ra upacara sumamba ra sinungkalalaing koson bansa' ru Israil, am binaal raginio nangkinibit ra ulun makatula, ginio ra Aku, Tuhan Raja' magibot ra ilo musiti' ukumin.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

YEHEZKIEL 7:19

Mamatir ilo ra mas am pirok koson ra ginsamol giu' ra ralan, sabap ra pirok am niayuk mas kalo makapamayag risilo paat ra Tuhan mapasingkual ra sangit Nano. Kalo mamakai ilo ra mas am pirok no koson mampajala' ra inan kapoam mamasug ra tinai'. Kaa' mas am pirok noyo ondo' nangkinibit risilo makatula.

GOSIA 4:5

Orou rondom akau mambaal ra kasalaan. Nabi-nabi min pana koson raginio. Ginio ra mamuso Aku ra Israil, ina' min.

JIPANYA 1:3

ngaangai' ulun am bibiag, makaaya' susuit am papait. Kalaan Ku ulun malaat. Pusoon Ku ngaangai' ulun; kolondo' sangulun pana polosoon Ku maayag. Aku, Tuhan nakaindagu noyo.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

LUKAS 20:8

Indagu i Jisus risilo, “Amon ru koson poyo raginio, Aku pana kalo mambala' ramuyun atan kuasa' Kuno mambaal raginio.”

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.